香港美食 – 蛇王二
(原文刊於我的網頁)
這晚到會展出席一個酒會，之後要獨個兒解決晚飯，便先到銅鑼灣Tonkichi碰碰運氣。看見門前等候的人數，又不想苦候半小時以上，唯有放棄。最後靈機一觸，還是去蛇王二來個「快、靚、正」的晚餐吧。
蛇王二當然是賣蛇的，我小時候在上環見到一些蛇鋪，夏天是不營業的，但以現在鋪租之貴，絕不可能只開門做幾個月生意。蛇王二在夏天主要售賣燒味和燉湯，不愛吃燒味的可以選各款家常菜如蒸肉餅等。
來這裡我通常點一客潤腸雞飯加一個燉湯，這晚要了菜膽紅棗煲豬肺，取其清潤。湯煲得清甜，加上有大量白菜和我至愛的豬肺，伴飯吃一流。
潤腸（即鴨肝腸）是我來這裡必吃的，濃郁濕潤的鴨肝包在爽脆的腸衣內，雖然整體水平在鏞記及蛇王芬之下，但也是在一般食肆吃不到的美味。雞是用蛇汁浸過的，嫩滑之餘還有著一種特別的香味，百吃不厭。
蛇王二的侍應都是老員工，當然不可要求貼心的服務，但他們沒有陸羽那些亞伯那副嘴臉，有時也會幽你一默。
也推薦這裡的叉燒和鴨腿湯飯，特別是後者，畢竟現在已經很少地方可以吃到了。
地址：銅鑼灣波斯富街24號
電話：2831－0163
除左膶腸，薑蓉都係我吃過最正o既！<br />
<br />
蛇王二唔好就係二手煙（伙記同客人），<br />
同埋座位好迫 ~
Supageti,茶餐廳特色,無計!
我仲以為三十幾度去食蛇，嚇得我吖．
La姐,你想食也無得買啦!
係呀!睇個title都以為你食蛇…嚇死! 靚的潤腸真係好好味,可以送得落好多飯…個碟有汁的飯都相當吸引….<br />
銅鑼灣真係好多美食….:>
在銅鑼灣打躉多年,從沒想過去蛇王二…驚!
係,我好怕蛇…..真係唔敢食…..
我總覺得膶腸是冬天吃的!<br />
<br />
不過小時候, 有一次強行吃掉一孖膶腸, 頂住個胃, 夜晚嘔番出黎先舒服… 直至遇上鏞記膶腸, 先每次食番一條!<br />
<br />
菜膽紅棗煲豬肺是'長駐'定'例湯類'呢?
小妹,在蛇王二是見不到蛇的。<br />
<br />
貝拉,那你沒吃過蛇羹?<br />
<br />
小彭,一個人吃一孖潤腸?好厲害。菜膽紅棗煲豬肺是夏天的常設湯水之一。
不過，如果要品嘗蛇羹；我建議有興趣者，冬天試一試【蛇王芬】，因為它是一家有誠意保留傳統美食的食店‧
蛇王芬o既蛇羹真係唔錯！
supageti 絕對認同
鏞記膶腸 … 忘記o左 … 係唔係秋天先有？
這個問題嘛~不知道,因為通常在秋冬才在<br />
鏞記吃膶腸。