香港美食 – 和三昧
(原文刊於我的網頁)
事緣於銅鑼灣地鐵站。我和小彭分別看到有關這家店在地鐵站賣的廣告，不約而同想起千登世的鐵板燒，雖然我對試新店通常頗有保留，但看到網上一些好評後，便決定這次的小字輩聚會在這裡舉行。
店在Sogo東角大廈頂層，取了原千登世及桔梗的鋪位。很難想像現在還有人夠膽投資搞過萬呎的食肆，店分成三個部份 – 鐵板燒、火鍋及和食，我們一行六人被分配到一間鐵板燒房，不用和人同檯，人多便有這個好處。
鐵板燒的餐單如上，和以前千登世很相似。第一次來還是吃些平價套餐較保險，我們分成三隊，試了所有一人前的套餐；我和小卡吃的是海鮮套餐和鮑魚套餐，至於其餘二款請看小彭的食誌，想多看靚相則可到小妹的網誌。本來我也想吃鵝肝，不過那個餐只有鵝肝和牛肉，而小卡又想吃直菇，便改吃海鮮套餐。
（近期興玩構圖，小臣也來湊熱鬧，相片的淺景深效果是以微攝拍出來，不是Photoshop的特效）
海鮮套餐中的蝦和銀鱈魚和一般吃到的分別不大，最驚喜的是帶子，鮮味彈牙不用說，最厲害是有兩大顆完整的，放入口中的滿足感覺和切了粒的很不同。
直菇燒得十分出色，爽口之餘還有濕潤的感覺，比一般燒至乾乎乎的好吃得多。
鮑魚套餐有一整隻巨型南非鮑魚，以前在千登世另加一只要三百元，所以這個套餐賣二百八十元絕不算貴。放在鐵板上的鮑魚仍在動，可惜在談笑間忙了拍照，只有這張燒好兼切了片的相。鮑魚非常爽甜，燒得剛熟的口感很好。
之後是美國牛柳，雖然煮得熟了點（我們要求 medium），但牛的肉質頗鬆化，在豐厚的肉汁透出濃香，算是不錯吃，下次可試澳洲神戶牛。其他小隊說另一款美國西冷扒不宜吃厚切，建議大家吃半熟的薄燒。
完場前是例牌的炒野菜和炒飯，師傅的手勢不俗，把飯炒至一粒粒但仍有少許水份，合格有餘。甜品有三款雪榚，我當然取芝麻雪榚，這裡用的也是上品，連不太愛吃的小彭也讚好。
首次光顧的感覺可以，整體不及松菱，但勝在選擇多，若是可以更換了那批喪屍侍應，可再加十分。
地址：銅鑼灣軒尼詩道555號東角中心22樓
電話：2831-8989
三小不約而同說這店<br />
<br />
簡直係連環引誘，慢性謀殺……
小臣咪講笑啦. <br />
你呢d至係靚相, 大大張都係咁sharp! <br />
我的是手機相即是手機相…<br />
<br />
Wordy,<br />
嘻嘻~係咪有點快要毒發身亡的感覺呢?
一於要去神戶食番餐！
HY,我就是見二小談得興起,也來湊熱鬧呀。<br />
<br />
小妹,手機相影到那麼好已經很難得!<br />
<br />
神戶遠d播,吃住神戶牛先好不?<br />
<br />
<br />
<br />
十一月底我會去嘛。<br />
<br />
ec2 d 人又話神戶牛恢復入口，<br />
但唔見 Sogo or City Super 有得賣o既？
Sorry，應該係和牛恢復入口。
是到隻帶子，好似同我講：「嚟食我啦！」，我簡直毒發身亡！
意粉,係播,忘記了。<br />
日本牛尚未恢復入口,有的都是偷運的。<br />
<br />
劉鄧,那牛肉都有叫你呀,你聽不到嗎?<br />
<br />
好似好正喎…..又唔叫埋我, 真衰! >.< (難得呢D我O岩食丫嘛) ^.^
其實小臣訂位時, 座位方面有無特別request呢?<br />
<br />
因為大堂方面也有六人枱的!
心理不平衡!
沒有特別要求呀,我未上過去也不知道個場的layout是<br />
如何的。<br />
<br />
好驚呀,我不停聽到有人在我耳邊講"心理不平衡"…
唔使驚, 幻聽姐… 食多D野無事架喇!
Jason,<br />
帶子叫完我便已毒發身亡，又怎會聽得見牛肉和我打招呼呢！
要搵個機會..去會一下 喪c 待應先得
劉鄧,去吃一次就可以解毒囉!<br />
<br />
薑絲對喪絲,絕!
對決完畢~又ok禾…食完鐵板燒 佢仲介紹禾去coffee corner 飲coffee or 食雪糕禾~~唔駛對住塊鐵..熱辣辣
點解我地無得去coffee corner ???
點解我o地去o左Macafe？？？<br />
<br />
老師唔好食熱氣o野呀．
so called coffee corner..只不過係分開一區比你飲埋杯咖啡 OR 食埋杯雪糕既地方..你地反正有房.<br />
唔會有人等你地個位…所以佢冇介紹你地去姐~~
雖然剛剛從日本回來，但見到燒帶子及其他美食相片，又開始中毒。<br />
阿茄 Wellcome back！<br />
剛剛日遊回港，無理由咁快發作‧
嘩~~睇左你D相真的好好好正呀~~~~~~~~~~<br />
想問下你地個日係食DINNER OR LUNCH? <br />
同1人前係可以2個人食呀? 定只可1人食的? THANKS!
小古,是吃午餐,一個人只可一人吃,<br />
另一人可以點其他和食(壽司等)。
謝謝你回應, 咁想問下食dinner係咪都同食lunch 一樣都係呢個menu? 同如果去食, 食lunch 抵定食<br />
dinner抵?<br />
此外, 如果去呢度食係咪食鐵板燒係最好食呀? <br />
thanks!
未見過dinner menu,但一般來說一定貴很多,<br />
故此一定是吃午餐比較"抵食"。<br />
<br />
鐵板燒還是松菱較好:<br />
<br />
http://www.wretch.cc/blog/carjaswong&article_id=7548831