香港美食 – 冰鎮鮑魚＠陶源
(原文刊於我的網頁)
見 Supageti 談到陶源的冰鎮鮑魚的美味，我等嗜吃之徒忍不住又去試了。
冰鎮鮑魚是八月下旬的特價菜，售 $388 一隻（據悉原價是五百多）。鮑魚不是生的（吃過鮑魚刺身的朋友都知道生的鮑魚非常之硬，隨非閣下牙力十足，否則不試為妙），而是先把鮮鮑魚烹調過，再切成小粒以冰鎮的方式奉客。
一看到那巨型的鮑魚已經心花怒放，小方粒的口感美妙，既腍且鮮，沒有茨汁掩蓋鮑魚的香甜，蘸少許醬油吃已經完全吊出鮑魚的味道，讚。
這晚另外點了醉雞和一個素菜。醉雞用玫瑰露酒浸成，比一般用花雕浸的雞香，但酒味較濃，不是每個人都習慣。雞是黃油雞，肥瘦度適中，味道不俗。
忘記了這道美味素菜的名堂，外圍的是用上湯煮透了的冬瓜，載著用麻油炒得濃香的竹笙及雜菌。煮得腍且入味的冬瓜是消暑的良方，自己在家沒可能有時間煮這種「心機菜」，上館子付數十元吃得心甘情願。
另一次很滿意的經驗，以後想不到去那裡吃飯，可以考慮陶源，不過要抵得住侍應硬銷貴價菜。
嘩……<br />
<br />
你有冇睇佢地贊助o既搵食節目呀?! 都係好正啊!
更正版 (打錯字) :6<br />
冰鎮鮑魚!!!我唔捨得食<br />
咁睇下都好:-)<br />
<br />
係,個鮑魚超正…… 但另外個2味菜都不錯, 不過冰鎮都係第一次見及聽….
小yee,我知道有呢個節目,不過未睇過。<br />
<br />
小奇,咁慢慢睇啦。<br />
<br />
小貝,我也是在陶源才知道有冰鎮鮑魚。
Jason, 不要給小彭看見，你又點了「雞」來引他。
大家放心, 我頂住喎… 因為唔好醉雞… (請勿貼蒸雞白切雞豉油雞海南雞炸子雞鹽焗雞…)<br />
<br />
我去過灣仔及美孚陶源, 例湯/燉湯都幾好! 未食過鮑魚類呢…
自從上次去過陶源，<br />
成日心思思想再去呢！
小茄,咁我是雞痴嘛~<br />
<br />
小彭,好,等我貼哂呢d相出來!<br />
(講笑啫)<br />
<br />
Supageti,多謝你的好介紹呢。
我都係雞痴一名…
好，大家就向自己地頭貼晒各式各樣雞出來……(好毒)