香港美食 – 金緬甸
(原文刊於我的網頁)
1516之旅回來後有團友惦記著緬甸菜，於是這天組織了一個緬甸探秘團，深入金三角……不，是謝斐道，到金緬甸餐廳吃午飯，同行的有L小姐，M小姐及C君。
小小的店只有老闆一個在樓面，而廚房內看來也不會太多人，因每道菜都是千呼萬喚始出來。
人多好辦事，因為可以多試幾個菜，除了點了令人懷念的魚粉湯外，還要了鰣魚、沙拉麵、薄餅、炸蝦餅和茶葉沙拉。上次在澳門002美食吃的只是魚粉湯，其他緬甸菜還是第一次吃。
魚粉湯我們點的是套餐，除了一碗粉外，還有小食一客及一杯飲品。小食是薄餅，但其實是類似米紙卷之類的東西，餡料是蔬菜，蘸紅色的醬吃。
湯粉本身頗像在002美食吃的那碗，不過用的米粉有所不同，吸到的湯汁較少，所以吃起來的口感略差，而湯的魚味也不及002美食般濃，故整體美味的程度只有002美食的八成左右。
鰣魚用了大量蕃茄煮成，各人一致認為十分似茄汁沙甸魚，鰣魚吃起來的味道亦是十足像沙甸魚。
沙拉麵用了蕃茄醬及肉絲伴油麵，很像乾身的茄汁意粉，大家都很愛吃，但我還是喜歡魚粉湯多一點。
茶葉沙拉的味道非常獨特，是用茶葉、花生、蒜片，菜絲等製成，吃在口中的滋味不知如何形容，但很明顯有一股茶葉的味道。
薄餅有點印式風味，但實在太油膩了，吃了一小片後大家都怕怕。
最後的炸蝦餅做得極脆口，但也是用了太多油，我和Carmen一人吃兩件後整天也飽飽滯滯。
由於追加了另一碗魚粉湯，而C君又怕白費他健身的努力而少吃了，結果五個人也吃不完這些菜，沒有機會試吃甜品。
我自己覺得這裡用油比較多，不是十分習慣。請其他同行的友人補充吃後感。
地址：銅鑼灣謝斐道379-389地下8號舖
電話：2838 9305
睇過一 d 介紹緬甸菜既報道同節目，都知佢多油<br />
魚湯粉、沙拉麵都好似幾 OK，不過我約唔到咁多人食
去002食吧! 哈哈!
魚湯粉用呢種米粉不及002的幼身河粉般吸湯味,當然輸了….<br />
我好怕食d肥膩的菜…. 1516團友,我就快來了…..
002用o既係金邊粉，金緬甸用o既係米粉，湯底用料方面002豐富好多，<br />
而且好香，就算加入o左檸檬汁各樣味道都沒有被其他味道搶去，真係<br />
無懈可擊，好掛住 …… 比較下我覺得只有半成，但佢唔難食囉．<br />
<br />
沙拉麵好特別，女仔會幾鍾意食，其他o既comment係，菜做得唔錯，<br />
好有心，但未必會好o岩口味．<br />
<br />
結論係：未必會想再去，但唔代表佢唔好．
Jason 說得對，做完健身，意識上想起食多件要跑幾多個鐘，<br />
就馬上閘住黎食。<br />
<br />
這餐緬甸菜最特別是茶葉沙拉，食落好得意，最有印象的一道菜，<br />
鰣魚真係似一條大沙甸魚，薄餅好好好油，試了一口已經成口油，<br />
怕怕，連帶再上桌的炸蝦餅已經唔咁食，所以沒有食，魚粉湯都<br />
幾好味，不過比較唔到你們說的002，有機會去澳門再比較一下。<br />
<br />
整體來說，第一次食緬甸菜，幾特別的體驗，但不是我喜歡的口味。
M小姐…Jason是要保持我神秘的身份嗎?<br />
<br />
魚湯粉:比起我在澳門三盞燈食過的,好好多…<br />
沙拉麵:因為我是女仔,所以我好鐘意…<br />
鰣魚:餐牌上明明是寫咖喱鰣魚,唔知點解會變了茄汁…<br />
茶葉沙拉:唔…怪就怪了點…但總叫是試過丫…<br />
簿餅及炸蝦餅:好油…一食就"濟"晒…戰鬥力直線下降…<br />
<br />
結論係:好新奇的口味,為了沙拉麵,我會再去…<br />
<br />
p.s.呢餐食了幾多$?
其實茶葉會唔會好難舌落肚呢? 平時飲中國茶, 有茶葉都會吐!
好快手,全部出現過的人物都上來了!<br />
也為此食評增添了許多寶貴的意見。<br />
<br />
看來大家都很有一次就夠的感覺。<br />
<br />
M小姐,未得大家同意,不敢公開你的身份,<br />
好像謎樣的"s小姐"還要保持神秘一樣。<br />
<br />
小彭,又不是那麼難入口,中菜也有用龍井<br />
茶葉做菜啦。
M小姐,忘了答你,每人$75。
曾經有一陣我很愛去這家店吃椰汁雞麵<br />
後來水準有點下滑<br />
就沒再去了…
還是peggy厲害,早就吃過了。
其實我都有打算叫椰汁雞麵，不過我而家更加想去澳門食！:P..