香港美食 – 越發
突然好想吃越南牛肉河，不過長沙灣那家新記已結業，想不到九龍區那裡有好吃的。上網一找，才知道油麻地有這家越發，便馬上驅車過來。
晚上七時許，店前一條人龍，斜對面有另一家越南菜館，卻乏人問津，就決定排下去，估計它一定有過人之長。
第一次來，就吃最多人推薦的牛柳牛丸河。先呷一口湯，湯清但有醇厚牛骨味道，對辦！
牛柳肉切得碎，但十分嫩滑，牛丸彈牙有牛香，河粉幼細滑溜，湯頭已加入九層塔及大量蔥粒，另外還奉上香港少見的油條，是絕對正宗的配搭。
春卷即炸即吃，熱得燙嘴，外皮夠脆，材料甚多，蘸魚露裹在生菜吃，十分滋味。
估不到油麻地有這家如此出色的越南河粉店，可以再來。
地址：旺角砵蘭街99號地舖
電話：68848898
泊車：附近錶位
斜對面間大叻無你講得咁差，起碼人哋真係越南人開嘅！只不過兩間走不同路缐，越發走高檔精，將價就貨，成百銀埋單⋯⋯大叻就平民路線，將貨就價，啲嘢差唔多係越發五六成到七成之間，更重要是越發幾細間至得架？（佢前身係日式拉麵店，不過做不住執咗，越發頂手後維持原有裝修），大叻係佢幾倍咁大，所以根本不使排隊！當然越發是好食，但我覺得不值得咁排囉（香港同日本一樣），大叻啲炸物炸得幾好，同我幾鍾意佢個番茄牛腩湯底，但啲河粉真係把鬼，我情願佢收多我十蚊，用啲靚河粉！佢就真係個河粉底輸人九條街！但其餘係唔差嘅！
Okay, 收到~~
越發對個人口味來說過於清淡。認同大叻炸功不錯，豬扒都幾好食。
真是服了你…明少就話係地膽, 但你都識大叻, 勁~~!
我經常在嗰頭搵食的 LOL
當然主要係去恒達同永發
哈, 恆達梗係正, 反而未去過永發, 有你加持, 下次要試下~
永發必食焗排骨飯(焗豬已是兩回事），同埋要叫夥計拎「老闆辣醬」
蛋治亦唔錯
杯奶茶都還可以
收到~thanks!