Wii

  小臣在三月已經購入了一部 Wii,趁大家最近談得熱烈,也來報告一下我試玩後的感受。

之前提過,Wii 的賣點是它所開創的電視遊戲新體驗,把以搖桿控制的傳統遊戲變成體感操控。玩家可以直接揮動 Wiimote 進行遊戲,而不需要強記複雜的搖桿指令。於是玩網球時拿起 Wiimote 便是球拍,向上向下正手反手擊球即可,不必先弄清究竟是按 A 鍵 B 鍵還是 A+B 一起按。由於 Wiimote 和主機是以藍芽通訊,可以離開電視的左右範圍操作,只是某些指向畫面特定位置的動作,才需要以紅外線的方式和連在主機上的接收捧溝通。基本上任何人一拿上手馬上可以投入在遊戲當中,這便是 Wii 吸引人之處。

小臣暫時只有三個遊戲:<Wii Sports>、<薩爾達傳說>和<Cooking Mama>,最喜歡的是 <Wii Sport> 內的網球。此遊戲除了易上手之外,還可以深入練習擊球技巧以提升至「專業」的級數 – 在擊球時適當扭動手腕,便可以擊出左右旋球及大斜線球,再配合前後球員的不同攻勢,可以搞出極多變化,真是越打越有勁。而對手也是越來越強,連強力發球和大斜線球也接得住,迫使小臣也要增強技術才可繼續進級。

<Cooking Mama>的概念很有趣,以 Wiimote 作各種廚房工具,或切或刨或拋鑊,可在不同的 mini-game 中過一過廚師癮,不過遊戲略嫌簡單重覆,不同的食譜其實只是十來種 mini-game 的不同組合,多玩幾次就沒有驚喜。

<薩爾達傳說>其實是為 Gamecube 製作的,只是把控制方式設計改至配合 Wii 的體感操控而已。不過玩起來也相當不錯,只需把 Wiimote 揮動即成為主角林克的揮劍動作,在格鬥時自然得多。而這次把林克在黑暗世界中變成狼,也是此遊戲系列的一大突破。

Wii 如果要像 NDS 一樣保持優勢,一定要有更多有創意並能發揮體感操控的遊戲才行,令人憂心的,是第一輪出版的遊戲當中,不是把舊遊戲稍作修改便推出(如<Splinter Cell Double Agent>、<Prince of Persia – Rival Swords>),就是把製作中的 Gamecube 遊戲改為 Wii 版本(如上述的<薩爾達傳說>及<Super Paper Mario>),又或是過於簡單(如<Cooking Mama>、<WarioWare>等),而基本上除了<Wii Sport>外並沒有一炮而紅的大作。最危險的是在未來數月將會出版的遊戲中,我也見不到有這類作品出現,一浪之後無以為繼,便會重蹈 N64 的覆轍。

希望是我杞人憂天吧。

新年伊始
檸檬茶

38 Comments

  1. 回覆
    ozora 2007 年 04 月 19 日

    我都想玩Wii, 但係仲係心大心細,買水貨定係等遙遙無期o既行貨?! (行貨始終係首選)

  2. 回覆
    小彭 2007 年 04 月 19 日

    唔買唔買, 點都唔買!
    打網球, 就梗係真GE好玩啦! COOKING MAMA 晌NDS 玩就夠啦, 晌WII出現, 倒不如入廚房煮啦!

  3. 回覆
    小貝 2007 年 04 月 19 日

    估不到你會買薩爾達傳說,原來你都鍾意玩. wii的遊戲中我最喜歡都sports, 每晚都要小蝦同我雙打網球一場, cooking mama真係麻麻地, 反而超執刀(做手術個個)同埋wario(考反應), 仲有賤兔(玩完好攰), 還有monkey ball (好似係考平衡)我都覺得好好玩. 我有近十年沒有沉迷電視遊戲機, 自從買了這兩部機後, 一回家第一件事就是打機, 且看自己會維持多久. 我都希望wii會出些新鮮的遊戲, 若不是, 相信令捧它的人失望.

  4. 回覆
    aaweb 2007 年 04 月 19 日

    在朋友家中試玩過WII Sports,很有趣!!不過這東西,買回家後多數只有數星期的熱度,很快便會「封塵」,還是去朋友家玩好了。哈哈!

  5. 回覆
    carjaswong 2007 年 04 月 19 日

    ozora,以任天堂香港代理的往績來說,應該是不用等了.
    引唔到小彭添.
    薩爾達傳說玩了很多集了,是小臣追隨任天堂的原因之一.超執刀是考慮之列.
    aaweb,好理智喎.

  6. 回覆
    小蝦 2007 年 04 月 19 日

    小臣,你個MII CODE係咩呀,等我今晚返去試下ADD你!
    (其實我都未知ADD人地D MII有咩用:),今朝發現部WII閃藍光,開機發現原來有兩個日本人MII係個HALL度從天而降,行來行去…唔知做MUD?)

  7. 回覆
    carjaswong 2007 年 04 月 19 日

    MII code – 番去搵下先 ^^
    好似可以send mail之類.

  8. 回覆
    小貝 2007 年 04 月 19 日

    小臣: 攪掂mii code就mail比我地, ok.買超執刀啦 ^_^, 我尋晚做左2次手術, 好好玩, 有一次仲差d整死病人, 取玻璃碎片有d難度, 逢針逢到好肉酸, 不過手術室d英文字有d難度.

  9. 回覆
    小彭 2007 年 04 月 19 日

    超執刀?! 我鐘意整死人喎! (不過我都係唔會買wii ge!)
    小臣買啦, 我搵日去你屋企食飯! 小卡, 買定餸喇, 唔該!

  10. 回覆
    carjaswong 2007 年 04 月 19 日

    O車,晨早叫你上來玩啦.不過我唔知幾時先買超執刀喎,下一個買的應是 Super Paper Mario.

  11. 回覆
    小貝 2007 年 04 月 19 日

    我都未買Paper Mario, 至於超執刀尋晚救左2個傷者, 一個係抄車, 要幫佢取碎片及逢針, 另一個係開刀取膽石之類既野, 我覺得好過癮…..買埋佢lu ^_^

  12. 回覆
    谷媽 2007 年 04 月 19 日

    其實呢部機,主力賣點都係多人玩先有開心…比傳統用手制玩…好玩好多..
    jason..cooking mama 對你真係唔o岩玩喇…但如果比我同谷囡..就經常決鬥,但永遠都係…我輸…因為..唔識開火…:p
    其實..冰河世紀2 都幾好玩o架..畫面做得唔錯…有機會試下喇~~
    超執刀我未玩過…但谷囡評言係 "擋人好好玩"….@_@

  13. 回覆
    carjaswong 2007 年 04 月 19 日

    我同電腦對戰cooking mama, 但次次都輸 >.<

  14. 回覆
    谷媽 2007 年 04 月 19 日

    真人對戰好玩得多…但絕對要有投入感…哈哈哈

  15. 回覆
    小貝 2007 年 04 月 19 日

    好,等我都試下cooking mama對戰先…谷媽講得啱, 呢個game係多人對戰/參與才好玩,呢個係我買佢的原因. 打棒球我做投球,小蝦做接球真係好有趣….

  16. 回覆
    小彭 2007 年 04 月 19 日

    谷媽: 好好培養谷囡GE’劏人’天份吧! ^.^

  17. 回覆
    谷媽 2007 年 04 月 19 日

    小彭 : 唔洗我去培養谷囡喇..佢已完全掌握擋人技術..被擋者通常都係…谷巴….:p
    小貝 : cooking mama同人對戰會..好攰o架.. 加油 >_<

  18. 回覆
    大頭仔 2007 年 04 月 19 日

    乜 cooking mama 有得對打的嗎?
    唔知 nds 有冇呢?

  19. 回覆
    HY 2007 年 04 月 19 日

    又來「壓軸」。只打過網球,超喜歡,因為我得 tennis 嘛。「車輪」你一下:開到 Ace 球和打到 passing shot 嗎?在網友聚會打了半小時,汗流浹背,跟真打沒有兩樣,但不會買,家裏沒地方。

  20. 回覆
    阿茄 2007 年 04 月 19 日

    對戰真係好玩好多,上次一大班人試玩,真係好開心,好搞笑。

  21. 回覆
    小妹 2007 年 04 月 19 日

    我最鐘意"碌拎", 可以將個球掟去後面d人度o架, 幾鬼過癮呀~

  22. 回覆
    豪仔 2007 年 04 月 19 日

    原來Jason兄都買左Wii, 真令人羨慕啊~
    不知Jason同Carmen下次會去邊度玩呢?

  23. 回覆
    carjaswong 2007 年 04 月 20 日

    大頭,cooking mama 首頁可選和電腦或朋友對戰.NDS 版沒有玩過,不知道.
    HY,兩樣都打到,也接到,不過到了"pro"級,對手也接到的.
    阿茄,幾時和你玩下?
    小妹,下次唔好企你後面……
    豪仔,唔駛羨慕下嘛,平個部電話喎.

  24. 回覆
    阿茄 2007 年 04 月 20 日

    原來碌拎可以將個球掟去後面,真係唔知,上次見識唔到添。
    Jason,幾時都得,去阿王定你屋企先。

  25. 回覆
    carjaswong 2007 年 04 月 20 日

    好似阿王多d games喎.
    …… 實不相瞞,小弟只有一set wiimote,沒有人和我玩對戰嘛……(小卡唔玩 TV games的).

  26. 回覆
    小貝 2007 年 04 月 20 日

    我之前都誓言唔會玩game, 點知….
    尋晚玩完cooking mama對戰, 又幾得意, 不過普通左d. 超執刀好難度, 好玩.

  27. 回覆
    谷媽 2007 年 04 月 20 日

    jason : 如果得一個人玩,就算幾好既game, 都會覺得沒趣的….你唔夠game..咪叫阿王放d係你屋企應酬吓朋友先囉..反正佢都係唔識玩…浪費的…^o^
    小茄 : 上次一大班人玩..咁茄嫂有無玩先?? 我相信佢玩會仲攪笑~~ :p
    小貝 : 同你現實版煮飯仔,當然是小兒科喇….哈哈..

  28. 回覆
    谷媽 2007 年 04 月 20 日

    還要提提大家…玩Wii要留意動作﹐不要過份用力,切勿長時間玩大運動量的game,因近日很多玩家已出現肌肉勞損,醫生也收了很多這症狀的病人…

  29. 回覆
    carjaswong 2007 年 04 月 20 日

    我通常每次只玩半小時tennis. 另外掌握到後,其實只重要是揮拍的時間和"落西"的動作,不需太誇張,畢竟不是打真的.
    薩爾達及paper mario等要"煲"的game咪可以一個人玩囉.

  30. 回覆
    老c 2007 年 04 月 20 日

    我又想玩~~~~
    不過我都同意小彭所講, cooking mama響nds好夠lu!!

  31. 回覆
    小貝 2007 年 04 月 20 日

    nds既cooking mama我都玩過, 但wii令你一玩上癮, 尤其拋鑊個下, 攪pan時, 還有打爛雞蛋, 切菜等, 同係廚房煮野時的手勢一樣, 唔玩過唔知有幾好玩….唔好意思, 我入晒魔, 唔駛理我 ^^

  32. 回覆
    阿茄 2007 年 04 月 20 日

    同意,一班人一齊玩wii是最開心的,看來小貝已經入魔了。
    谷媽:阿王部機我已經在排隊。

  33. 回覆
    小貝 2007 年 04 月 21 日

    今朝試過玩paper mario, 不過唔係我杯茶, 都係d白痴game啱我多d….

  34. 回覆
    carjaswong 2007 年 04 月 21 日

    昨晚開機找mii code,"順便"試玩 paper mario,又幾得意,連小卡都有興趣,不過太多口水,頭半個鐘等佢出哂d對白時,差d瞓著.

  35. 回覆
    小彭 2007 年 04 月 21 日

    um… 我今晚玩cooking pang pang…

  36. 回覆
    carjaswong 2007 年 04 月 21 日

    小彭又煮大光燈雲吞?

  37. 回覆
    小彭 2007 年 04 月 21 日

    原來nds都有"劏死人", 等我都去買黎玩下先!
    我本來想整美牛飯, 不過屋企咩都無, 結果整香煎牛仔骨配(蠔油)白灼菜心苗, 個配搭出面食唔到架! ^.^

  38. 回覆
    薑C 2007 年 04 月 24 日

    wii sport 好玩d 玩完又真係會累既…

發佈留言

發佈留言必須填寫的電子郵件地址不會公開。

11 + 1 =