小字輩聚會之 – 相約在香江（二）
是次小貝伉儷的行程以探朋友為主，餘下和小字輩共聚的時間不多。能齊集所有人的，就只有星期日下午，而聚會地點也一再更改，最後決定在見城舉行。
早兩天「漁翁撤網」式訂了數家可能會去的館子時，見城的女侍應已告知大檯已被別人訂了，幸好壽司吧還有位子，雖然九個人坐在吧檯不利溝通，不過小蝦小貝首次光顧，可能會比較喜歡有壽司師傅在面前即做即吃。
結果九個人成「L」字型坐在渡邊師傅前面，安排尚算可以。除小茄點了壽司便當外，其餘七人都要了自選壽司，小貝三心兩意了好一會，最後也歸了大隊。
見城介紹過很多次了，魚生的水準是不用說的，不過今天只有渡邊師傅坐陣，客人又多，壽司搓得不算最好，加上他今天心情欠佳，把兩個小廝罵過狗血淋頭，小臣也不敢和他說笑了。
一邊吃一邊在想飯後到那裡落腳，忽然有人提起去德國豬手店，登時在座有好幾人眼中發出光芒，原來大家對烤豬手仍是念念不忘。
既然如此，告別見城後大夥兒便向尖東站進發，再訪上次聚會地點 King Ludwig Beerhall。
先坐一會，點些飲品邊喝邊談，把壽司消化一下。甚少主動喝酒的小臣也喝了一杯全麥啤，這啤酒甜甜的不帶苦味，之後變暖了也不難喝，果然酒是外國的好。
稍事休息一會後，大家點了一只豬手和兩客農夫包。志當然不再麵包，而是那香濃的牛肝醬。
豬手依然是皮脆肉嫩，香氣撲鼻，雖然每人只分了一小口，也總算是解了饞吧。啃骨頭的任務再次交到小蝦的手上。
吃完豬手，再和蝦貝二人買了些東西就分手了。部份小字輩也約好下次去澳門聚會的日期。
短短的聚會到此便結束。
<!–more–>
我右邊那位都覺得今天的壽司有d散!
可能我好肚餓, 樣樣都好味, 連鐵火卷的吞拿魚都好鮮!
如用小貝帶來的飽(無餡的)加牛肝醬, 可能仲好呼! 今日農夫飽個面雖然脆, 但硬左d.
難得海外的小貝小蝦到訪，一於小字輩全體出來聚一聚，感激小臣漁翁撤網，為我們一改再改聚會地點。
小字輩的食力果然驚人!
吾…的確係有d散, 壽司定食件豬肉好正, 我都忍吾住偷食左d, 下次一定要試呢個餐.
我的壽司只有一件略欠團結,其他的都okay,昨天的海膽特別正!
小茄,下次你負責安排。
小妹,你一邊上課一邊後悔吧!
小儀,小卡次次都話下次試新野,咪又係吃自選!
小yee, 那個是壽司弁(便)當, 唔好叫錯"定食"!
是,約會地點一改再改,幸好各位都能準時出席, 你知啦, 有人話無電話通知更改嗎! 坐壽司吧的確好好feel, 飯也有點散, 幸好魚生夠新鮮,所以都ok, 不過我見小儀全場望住小茄個set ^^, 豬手是我倆杯茶…可惜小彭講得對,麵包有點硬..
做"聯絡辦主任"好慘架,打小個電話又有人唔高興 ^^
下次預埋我啦, 我可以食魚生la….
我自己都估唔到個便當裡面有兩件好味的豬肉，肥瘦適中，初時同小儀猜是什麼東西，還以為是煮熟了的魚肉，吃後才知道是豬肉，簡直諗都未諗過向見城吃豬肉，不過真係好好味。
司令，要我負責安排可能大家無好野食wor。
小儀真係全場望住我個壽司便當，好彩我無走開去廁所。
講起去厠所,我覺得茄及小蝦一直虎視眈眈望住我d壽司,攪到我差點中尿毒…雖然我無行開, 但一不留神比小蝦偷襲了幾舊壽司 >.<
老師,下次我地去澳門喎 ^^
阿茄,那是豚角煮呀,不過我也未在見城吃過.
小貝,又係你話唔食咁多生野,我地樂於助人嘛~
嘩嘩,食完壽司,仲可以食得落豬手和農夫包,好利害的胃 !!! 小字輩要改名做大字輩咯
去澳門!? 好呀, 幾時先???
我其實好想食果條白色ge魚天婦羅, 我一直都虎視眈眈, 想趁亞茄一個吾覺意我就食左佢, 點知……衰茄仲要留到最後先至食……
小嘉,是其中部份小字輩咋,講大胃小臣敬陪末座。
小儀,你叫阿茄"望右面!有靚女睇呀!",咪可以搶佢條魚囉!
小yee; 下次你要order兩份,咁未可以滿足你既要求羅 ^^
除左豚角煮, 見城個炸豆腐(有汁個d呢)都非常好味!
其實我等緊小儀話叫多set壽司便當… 我一定分擔一下架!
小儀，早響呀，不過唔好諗住我會俾你食wor，係我早d食左佢，就唔洗引你啦，哈哈哈。
既然小彭小儀都想食件豚角煮，就一齊去過囉。
我又想去,預埋我!
之但係個便當未必一定係跟豚角煮個喎… 918時我食到ge係煮野菜!
o下….原來不是固定的，豚角煮比野菜吸引，是否有單點豚角煮？
豚角煮應該沒有單點,不過唔肯定,小彭下次去唔該check check(她去得多過我).
我信,因為小彭好有經驗咁考我點點菜….
即是可遇不可求…