小卡神秘味覺之旅（下）
看完小茄的相片嘻笑一輪，便來到吃飯的時間。是晚的菜單如下：
主要是在網誌發表過而大家又有興趣的菜，另外也考慮是否可以預製，以縮短即場燒製的時間。
鴨舌是第一次弄，一星期前做了一個試驗，然後再於事前一天製成。
另外涼瓜燜排骨也在前一天先煮好，開飯前再煮一次便很入味，由於不知道大家是否喜歡吃涼瓜，故此不敢弄太多，豈料大家都很喜歡這道菜，很快便吃光了。
街市的雞檔也預留了一隻黃油雞給小卡，結果蒸出來已經香氣撲鼻。
另外當天買的扇貝和「三點蟹」也十分新鮮，做出來的蒸扇貝和凍蟹的味道也不俗。
最後一道是朴葉味噌牛肉，首先鳴謝小彭提供原材料，製法在小彭的網誌已經說過，這裡不重覆了。那味噌帶甜但非常惹味，和一般吃到的很不同，配上在我們買來的澳洲牛肉，又是很快便搶光了。
(此照片由小妹拍攝)
飯後是另一個高潮 – 吃小彭買來的靜岡蜜瓜和巨蜂提子。那蜜瓜一切開已經滿室芳香，而且是完全熟透的，那甜度和瓜肉的柔軟度是我從未嗜過的，用「美味」來形容大概是有負於它了。兩包巨蜂提子的成熟度有所不同，較深色的有酒香，較淺色的則有果味，各有所長。
之後大家繼續分發手信，有小娜在台北買來的天仁茶葉包，小茄在東北買來的糖果及麵條，以及小貝托小茄帶來的溫玉饅頭。小臣忙於洗盤子，沒有時間拍照，就借小妹的相片好了。
最後原來還有給小卡小臣的禮物，就是鏞記的潤腸和英記茶莊的茶葉各一盒，要大家破費真是不好意思。
再一次多謝大家賞面蒞臨，多謝各位的禮物和手信。特別鳴謝小彭的美味生果，和小娜四處奔走買禮物。
好彩坐晌碟雞前面姐… 哈哈哈!<br />
<br />
哎呀, 宜家已經好肚餓喇!
Carmen 好叻啊！
小彭真懂走位。<br />
你夜晚不是不吃東西的嗎?<br />
<br />
意粉,你也煮得不錯呀。
小彭 小臣跟我說悄悄話，當我斬雞的時候，妳已經食指大動，似乎受到白切雞的誘惑 Woo…..
煮野俾咁大棚人食，難度好高！
好好餸呀!<br />
看看也流口水<br />
小卡的廚藝真好^^<br />
大家唔記得講隻雞下面o個o的 ……
歐歐,不算好餸,但份量應是剛好。<br />
<br />
娜姐,等你地補充嘛~<br />
我記得當我"打開缺口"後,好像有幾個人<br />
發現新大陸一樣…<br />
你們這天一定是盡興而回了<br />
朴葉味噌很吸引啊
LA姐… 我記得雞下面D野, 不過唔想提! ^O^<br />
<br />
UM… 星期六日D晚餐時間同WEEKDAY係唔同的!<br />
<br />
我其實駐守晌廚房門口好耐架喇… 一斬雞, D香味, 不得了!
唔駛講,最吸引我都是雞, 其次是牛肉, 跟住係鴨舌, 好味道!<br />
個密瓜講到好吸引!!
小彭,我都唔想提,不過想夾的時候那些東西<br />
已經失了蹤…<br />
<br />
小貝,你唔喜歡吃涼瓜的嗎?<br />
個密瓜真是很好味的。
嘻嘻, 大家不要誤會喎, 小妹手字邊有咁靚丫.<br />
那朶low b花至係我畫的, 基本上我手字及畫一直停留在小學階段…<br />
炆苦瓜及靜岡蜜瓜真的好難忘! 雞下面果d我食了兩舊…
小貝, 個蜜瓜吾係講到好吸引, 係真係好吸引!<br />
小彭講得岩, 好野係要同志同道合ge人不齊食至有滿足感ge!<br />
我由一入屋已經緊盯住佢, 食飯果陣有人話如果邊個怕夜可以早d走,<br />
如果怕黑可以搵人送落樓. 不過怕夜怕黒GE都無走到,<br />
仲有人講明吾會送人落樓添!<br />
<br />
我認, 我食左三件!
在下記憶無誤的話<br />
八月已聽 Jason 說要搞這神秘味覺之旅<br />
看來你們都是大忙人呢 ^_^<br />
<br />
那些手信都很吸引！
小妹,唔駛掀破呀!<br />
(字是小卡後加的)<br />
<br />
小儀,見到個蜜瓜大家連廁所都唔敢去,<br />
怕一出來就唔見哂…<br />
<br />
HY,好記性。
小臣: 我以前最討厭食涼瓜,不過而家都會食, 但唔算喜歡個隻…. <br />
小yee: 你你你….. 引死我!!!!
最好笑是煮完份朴葉味噌之後，隻雞只剩下單翼尖同單腳趾，極受歡迎….<br />
下次睇怕要買兩隻雞，再加多兩份雞雜才夠！
小儀同小彭好似兩隻等食o既貓咁，o係廚房門口徘徊 … 我又諗起<br />
o個盒遲來的比內地雞生拉麵 …… 其實應該連埋黃油雞一齊食！<br />
<br />
剩番單翼尖同單腳趾之前仲有兩件頸，不過都比小彭解決o左！<br />
<br />
我食o左一件膶！
劉鄧,隻雞已經三斤多,夠吃,不過雞什真的要買多份。<br />
想不到大家都喜歡雞什,現在的人大都不敢吃。<br />
<br />
小儀下午沒有吃東西嘛~<br />
小彭一見到黃油雞就…
其實如果唔係咁夜(以小彭標準), 應該煮埋D麵再蒸多一孖潤腸… 唔係份量唔夠, 而係我為食! 嘻嘻!
Jason,<br />
<br />
單單睇相，我便估唔到隻雞成三斤幾重！<br />
我都好鍾意食雞肝o架，尤其是燒雞肝添，可惜現在好少見到有得賣！
其實廚房門口應該有三隻貓, 不過有隻牙痛坐埋左一邊. ^0^<br />
<br />
當我發現蜜瓜汁流左落枱面果陣, 我真係想變成一隻貓呢!!!!
居然有人肯招認食佐雞什….
小彭,你吃了幾件雞什加雞皮,膽固醇<br />
都超標了,還要吃潤腸!<br />
<br />
三隻貓!哈哈,第三隻其實是貪睡貓呀!
剛剛個肚打鼓，入來睇下碟涼瓜燜排骨先。
我已避開唔提食雞什… 唔… 放肆一下姐…
阿茄,望梅止渴乎?<br />
<br />
小彭,大把時間放肆啦,仲有成年才驗。
lau2tang 好眼光其實隻雞應該係介乎二至三斤之間，因為原先預計購買三斤重奉客，由於我怕難處理所以作罷；令小臣誤以為有三斤重…..哈哈