1516唔過大海唔舒服之旅 – 第一天（Part 1)
約好LaLa和小彭一時許在港澳碼頭集合，先在星巴克吃一點東西，然後便跳上三體船往澳門進發。一面祈求不要降雨，一面則祈求La姐剛向我們報告的胃痛不要惡化。
和首次見面的貝拉及其蝦子餅會合後，便驅車往各團友一致通過要吃的榮輝咖啡美食吃貝拉大力推薦的雞湯米粉。
榮輝的門面是一家典型茶餐廳，若不是由本地人帶領的話，大概我們只會走進對面的黃枝記本店。
一眾午餐未吃飽的團友馬上點了兩碗雞湯米粉及兩碗魚頭湯米粉，一碟炸墨魚餅及一碟果仁炸蝦丸，我看到貝拉的眼內有一絲擔憂的神色閃過。
先吃魚頭湯米粉嘗一嘗味，一股藥材味撲鼻而來，原來那湯是用天麻、川芎及白芷等藥材煮成，配上魚的鮮味，是一種難以形容的「藥膳」魚湯，喝第一口未必會習慣，但多喝兩口卻會愛上的滋補妙品。作為配料的魚頭亦份量十足，每片吸了湯汁的魚雲均鮮甜嫩滑，配米粉吃一流。
不過比起雞湯米粉，魚頭湯米粉又略遜一籌。那雞湯米粉的湯頭的濃厚和鮮甜，除了小時候跟爸爸去高級蛇宴中喝過的燉湯可作比較外，再想不起在任何地方喝過這種水平的湯。足料的藥材加上鮮雞的甜味，真是無與倫比。雞件不是在湯中煲至味道全無那些，而是另外用湯煮至剛熟的鮮雞塊，非常好吃。這麼高質的雞湯米粉只是賣十六元半一碗，簡直令人感動。在香港的超高地價下，一般小店只能賣低成本高利潤的食物，像榮輝賣這樣認真高質的食品，根本不可能生存。
另外的炸墨魚餅及炸蝦丸也是香脆可口，用料十足，不過我的味蕾和意識都被兩款濃湯所佔據，不能集中意志去品嘗了。
吃罷已經飽了五成，怪不得貝拉擔憂了。已經是下午五時，餘下那幾餐能吃得下嗎？最令人擔心的，是吃完這些滋補的藥膳後，虛不受補的團友開始有點異樣 – 我的喉頭有點乾涸，而小彭則打了幾個噴嚏 ……
(卻知後事如何，請看下回分解）
榮輝地址
本店：十月初五街54號地下（853-921205)
分店：柯邦迪前地／司打口21號地下（853-930120)
這個雞湯米, 實在係小彭小食組的#1推介… 之但係我又鐘意食魚雲喎, 佢個餐牌呢, 仲有豬大腸, 粉腸個喎…
很久沒去澳門了<br />
看到這樣的美食好想再去一趟呢<br />
不過澳門的「風水」好像跟歐巴桑很「不夾」似的<br />
每一次去都總會發生點事情的^+++^
小彭，唔做得咁心多的，我下次一定再吃雞湯米。
歐歐，我們也有小事發生，不過整體還是好好玩。
一定是味精味精味精……….澳門近來的食物失去了過往的風味，不敢怪內地同志門的徹底攻陷，但味精食物的確充斥於風味小店，
其實個雞湯米粉真係又足料又鮮甜無比，不過我鍾意食藥材湯，所以我係另類地<br />
投了魚頭湯米一票！<br />
<br />
(千祁唔好話比阿媽知我去澳門飲人地o的藥材湯)<br />
亞固,不是味精(因沒有口乾感覺),真是我們虛不受補。<br />
<br />
La姐,兩款都好,不過我喜歡雞湯多一點,所以一定選雞湯米。
[貝拉的眼內有一絲擔憂的神色閃過]因為我知道食完呢餐會將戰鬥力減弱… <br />
同意Jason講法, 不過我都投雞湯米一票…. 雞湯米好味道…. 我也投炸蝦丸一票<br />
2碗魚頭湯米 + 2碗雞湯米 + 炸墨魚餅 + 炸蝦丸才$100, 都係物超所值…<br />
其實佢個墨魚餅'內涵'做得很好, 佢個墨魚丸(放湯個種)都應該好好食…<br />
<br />
唔准多心之下, 咪投雞湯米囉… 下次返香港前先食… 哈哈, 係咪好方法呢!<br />
返香港前先食 – 你不怕第二天爬不起床?
返香港前先食–暈倒在船上咪仲大件事??
我食過新鮮墨魚丸啦!真係好好味!
船開2小時食個米粉, 食完就食粒暈浪丸(我覺得會有d呆架), 應該可以返到屋企! 返唔返到工就… <br />
<br />
就正如明知食鵝肝會膽固醇高, 食雞唔好食皮… 呢個米粉絕對值得置之死地而後生…
藥材湯未必每個人都受得起，我諗我飲完會流鼻血添，<br />
熱底和寒底的體質會有不同反應。
其實我好抗拒藥材/中藥, 平日唔飲架, 一飲出事… 不過美食當前, i have no regret at all!<br />
(不過好似係自己話改第一站去食雞湯米ge…)<br />
<br />
我係朝朝流鼻水個種, 有時又加埋打成朝乞嚏, 之後又無事… 所以我都攪唔清幾時係鼻敏感, 幾時係感冒!<br />
<br />
今次係感冒, 好番七成喇! (戰鬥力仲未回升至正常水平!)
戰鬥力真的回復了,太好啦!!<br />
我塊臉都出左幾粒暗瘡…呢排都係收歛下唔好去食住….
聽到小彭好番都安心ｄ。
感冒成個人會好攰o架，反而鼻敏感同傷風好易撈亂，我都有袋定o的收鼻水藥o係身．
我試過去睇醫生：<br />
<br />
Jason:醫生醫生，我流鼻水傷風。<br />
醫生：你又知是傷風，鼻敏感唔得呀！<br />
Jason: …<br />
<br />
下一次見同一位醫生：<br />
<br />
Jason:醫生醫生，我流鼻水，鼻敏感！<br />
醫生：你又知是鼻敏感，傷風唔得呀！<br />
Jason:．… (吹脹樣）
Jason 哈哈哈哈……