Total Views: 909
就讀培英中學被編排至H班,實為放牛班;而班主任何家輝老師可算是我的啟蒙老師,他剛好畢業,人有一股傻勁;正正編配至H班當班主任兼任中文老師,我更因此誤打誤撞下接任班長一職,直至中學畢業。何老師亦創立白綠劇社,擴濶同學創作視野。何老師不拘小節,能與同學有互動作用,跟他能平安渡過中二生涯,不出亂子……萬幸也。
中三時成績有進步後調升至B班,由於A-F班其實是收納成績比較佳的學生;更在此結識了一班比較投緣的同學,老友M亦是其中一位至今仍有聯絡的好友。
一向不強求學業成績的我,永遠立於中等,對喜歡科目會努力一點,因此中文,地理及經濟能於會考中獲取比較好一點成績。
地理是我很喜愛的科目… 因為可以漫遊世界呢!
睇到我都好想寫下我的校園生活添….
與小彭相反,當時最討厭地理, d野好難記,反而數學,會計我最高分.
我最喜歡的中文和數學,其他的只是強記以應付考試.最討厭是化學.
你網誌寫的好好喔 有趣內容又豐富實用
現在芝麻開門網站有個部落大賞
我覺得你可以參加耶
有機會獲得十萬喔
而且天天抽電影票跟拿優惠卷呢!
http://www.calldoor.com.tw
希望你可以跟更多人分享你的心得^^
小卡你唔係呀fa? 你的中學生活只得中二﹑中三咋咩?好似唔只咁少嘢喎…..哈哈,你既然點得我名,使唔使我幫你補充一下其他底蘊呀?
你還有一段時期係讀商科,點解唔講埋呢段生活呢?似乎係你人生轉捩點喎﹗上星期五收工好大雨,我在APM 樓下見小臣呆若木雞般等待小卡,哈哈…我當時忽然想起華富村4號巴士總站…
老友果然係老友!妳肯補充資料是我的榮幸:)
嘩,你爆小卡的野好啦,又燒埋我個疊……
小卡當年人見人愛﹑車見車載,哈哈…小臣請不要對號入坐。華富村4號巴士總站日日咁多人等巴士,我好像沒有指明我講緊邊個喎﹗
老友M 嘜原來我當年真係咁人見人愛咩!係唔係塊 Baby face 呃左好多人就真!
呵呵…唔關Baby Face 事,只係你以前身材比現在細咗三個碼。以為小鳥依人,實情呃得下人﹗
小彭其實地理科題材比較有趣味廣泛,最對我口胃.地殼變動,冰川,化石形成….又有實物作參考,是我心目中不算沈悶ge學科.
爆料… 呢度最受歡迎架喇!
地理亦是我會考最高分的科目呢!
地理科好頭痛, 什麼花崗岩, 老虎岩, 我攪亂哂 !
咁係咪小臣就向中學已經識小卡 ?
哈哈…果然有人想聽爆料,講學校生活都係講其他課堂以外的事情比較吸引…大家試想像一下有個載黑色粗邊眼鏡的大哥哥,每人如企鵝般站在華富村4巴士總站,等待一個電咗個長長爆炸頭嘅小鳥依人搭巴士返學讀商科的情境…呵呵…我依家想起都想噴飯。
錯字更正,不是每人,應是"每日"。
好奇(八卦^+++^)中……..
究竟小臣小卡的愛情故事是怎樣開始的
是否下回分解????
好心急呀!
故事還是留待兩位主角親自演繹罷…我作老友都認為小卡學校生活描寫得實在太少﹑太正路。哪裡夠花邊新(舊)聞吸引呢?