香港美食 – 肥仔銘茶餐廳
肥仔銘一直寫在待吃名單，終於找了一天來吃。
他的店在新蒲崗內街，不算就腳。店子很小，星期六中午來到要排隊，坐得肩摩接踵。
炒通粉是他們家的名物，用乾牛河的方式炒，不過下的是火腿粒，加上通粉就是西餐港煮，通粉彈牙入味，鑊氣十足，好吃。
反而沙爹牛就有點失望，牛肉被鬆肉粉摧殘了，沙爹醬味道雖夠，但融入湯後溝淡了，麵煮得不夠，比好幾家沙爹牛名店失色。
麵餐的多士及火腿都不怎麼樣。據說改成蛋治會好吃些。
奶茶反而不錯，不論是熱或凍的都順滑好喝。
不過應該試過就算，好吃的沙爹牛多的是。
地址：新蒲崗錦榮街9號地舖
電話：35425028
泊車：Mikiki
小臣兄，近日秋風起，小弟已食咗兩次雙腸飯，一次喺中環龍記跟蛇羹（佢聲稱前蛇羹係蛇王二師傅製作），兩樣都OK，夥計都有禮貌，但老闆娘西到無倫，不會再幫襯。另一次喺灣仔強記（天樂里嗰間，唔係賣糯米飯渣咋嗰間），跟螺頭湯。臘腸麻麻，但係條潤腸真係Super，堅脆皮，誠意推介。
噢,個間強記都得架? 要試下~
呵呵呢間光棍名店嚟，因為專賣燉湯，send咗餐牌畀你睇。
即好似以前蛇王二.
佢同以前蛇王二，就算我係灣仔人，邊間耐啲都考起，起碼兩間都三、四十年冇走雞。但係強記從來冇搬過，但係蛇王二，你都寫過，早幾年執咗（家陣叫蛇王熙響舊國貨公司對面）。
不過咁講，如果想食雙腸飯、臘味飯，我覺得兩間都OK的。我去蛇王熙食過蛇羹，還可以啦，下次我會試吓佢個臘肉。
有時間去試吓啦，始終呢啲唔食就之後都冇㗎啦。^。^