香港美食 – 棋哥燒鵝
最近這家棋哥燒鵝十分火紅，趁假期來試試，因平日過海來天后例必塞車。
佔了兩個鋪位的店，不過一邊做了廚房，另一邊的座位排得頗擠，我們正午來到還可即時入座，之後已經要取票輪候。
燒鵝飯五十五元（鵝脾飯八十八元）連熱飲，不算太貴。要了飯及瀨粉各一。
鵝飯份量偏少。吃件鵝一試，果然有一陣炭燒煙燻味道，皮不算很脆；鵝肉嫩且脂肪層不厚，不過肉味偏淡。鹵汁亦少，有半碟飯蘸不到。
鵝瀨價錢一樣，鵝的份量相若。瀨粉湯頭極淡，比開水好不了多少，不用鵝殼煮湯，也應加幾滴鵝汁／鵝油下去吧。
飲品要老火例湯的話要另加八元，是眉豆花生唐排煲雞腳，味道偏甜。
總的來說不錯，未吃過這種味道的燒鵝可以一試。另棋哥老店名為新光燒鵝，在筲箕灣已開業多年，不想排隊又住在港島東區的話，不用跑來天后。
地址：天后電氣道 79-81 號發昌樓地舖
電話：2703 0628
泊車：柏景臺
想在 FB 看小臣的博文？請點擊並讚好：
剛開業前試過，卻是從燒味到例水都過鹹，看來味道有調整過，也算是好事吧~ 不過完全沒有排隊等候的價值
係好左，不過專程來吃真的不必。
荃灣的炯記餐室，招牌菜鵝油撈粗，用的就是棋哥的鵝油，難怪棋哥燒鵝自己唔夠鵝油用。
OIC… 多謝資料.
今日在銅鑼灣店買了半隻鵝、燒腩仔、兩盒白飯攞走（與小臣的文章無關，幾年前食過覺得個炭燒味幾特別，所以翻兜）。回到家諗住大快朵頤，點知跌落坑渠，半隻鵝是鴨來，冇炭燒味冇鵝味同咬唔入都唔緊要，卻是連醃料味都沒有的，真是莫名奇妙。半斤燒腩仔才是極品，因為是半生熟的，肥肉位滲血（絕非甚麼肌紅蛋白）。接近四舊水total loss，唔係難唔難食咁簡單，直情係食壞人。不是親身經歴過，都想像不到可以咁離譜。
見到你 send 來的相, 真是很震撼, 好離譜~!
作為一名老港燦，幫襯燒味店撞手神是預咗的（其實咩野級數的食肆都係撞手神），但這次該店的出品可謂顛覆五觀。老實講周圍食嘢，梗有好食同唔好食，全世界都係咁㗎啦。好唔好食，難唔難食，人言人殊，正所謂上面啲友最叻果句：眾口難調。你覺得唔好食咩？我覺得咁至好食喎，可能你唔識食啫。
此所以小弟過去食嘢的體驗有多差，從來都唔會直接x九店家，因為人人口味不同，唯獨是這次真的太誇張，條氣谷到爆，唔想第日張呢份遺憾帶落棺材，所以先想同小臣分享。
店家為了賺到盡，用劣質食材之餘，品質也置之不顧。打工嘅，可能人工低又受到剝削，專同老細鬥氣，啲嘢差咩，關我叉事，最好你哋投訴多啲添。
咁落去，邊有得搞㗎, 把x咩。
之前好偶然都會試, 貪佢快, 不過間間分店的水準好參差, 但去到你那個地步真是好離譜~