香港美食 – 劉森記
以前在港島居住，當想起要吃雲吞麵時，腳便自然向灣仔走，到永華吃竹昇麵永遠是第一選擇。搬到九龍後，下班後沒理由跑到灣仔去吃碗麵，雖然知道深水埗有這家劉森記，不過來到附近通常想起的是維記的潤牛麵。直到最近有次八時後才來到，維記早關了門，譚仔雲南米線又太多人，才決定去劉森記一試。
點了兩碗雲吞麵，可惜名物黑栢葉已售罄，改為要牛腩牛筋，另加一碟蝦子芥蘭。
雲吞麵的麵蓋住了雲吞，是正宗做法，竹昇麵爽口彈牙，除了稍硬一點外，不比永華的差。雲吞是散尾的廣東製法，雖仍覺過大，但起碼可以一口一只，皮薄餡鮮，值得一讚。十八元一碗麵有五顆高質雲吞，不算貴了。
柱侯牛腩亦是正宗廣式，味濃肉腍，其中以軟滑又富膠質的牛筋較好吃。
蝦子芥蘭下了不少蝦子，且是高質貨，香氣濃烈，但灑在水準一般的芥蘭上，實屬可惜。
可以成為永華的替代，下次到深水埗又多了一個選擇。
地址：深水埗褔榮街80號
電話：2386-3533
咦, 我未聽過呢間喎…..多謝小臣推介, 我等在深水埔附近返工的人又有口福了….
版主回覆：(11/12/2008 12:29:22 AM)
蔡san推介過呀!
深水步其實係美食天堂
版主回覆：(11/06/2008 12:41:44 PM)
對呀,很多"三星"平民美食.
呢間D水餃都好足料, 每次行經都會買一打生餃返屋企.
版主回覆：(11/06/2008 12:42:26 PM)
下次試下先.
尼間真係不得了，每星期都要去吃一次，又平又好味﹗
我自己覺得尼間好個永華，仲有佢地d蝦子真係落得唔手軟﹗
版主回覆：(11/06/2008 12:42:47 PM)
固兄厲害!一週一次!?
劉森記真的不錯 只是有時太多人等位 去到都未必食到
版主回覆：(11/06/2008 12:43:16 PM)
是嗎?好幾次經過,又不見那麼多人喎.