小字輩愛在深秋之旅 – 行程定稿
[Updated-加入住宿資料及景點照片(所有圖片來自景點網站)]
籌備經年,參與人數不斷改變,行程五易其稿 …… 是次小字輩愛在深秋之旅雖不能說是「波折重重」,但比起原來「十人二車」的陣容來說,已不可同日而語。
到今天終於距離出發日期不足十天,心情非常複雜,不過還是極期待這個十五天的長途旅行。行程定稿如下:
第一天
香港 – 東京
到達已是黃昏,只能吃個 Pepper Lunch 及逛一逛池袋
宿:池袋 Grand City
第二天
淺草 – 自由活動 – 吉祥寺
小臣小卡下午打算去乘都電荒川線,晚上會合大隊吃牛肉球及串燒
宿:池袋 Grand City
第三天
巾著田 – 摘巨峰 – 川越
是日租車郊遊,先去賞曼珠沙華,再去摘巨峰提子,然後快閃川越
宿:第一INN池袋
第四天
築地 – 自由活動 – 新千歲
在築地吃過早餐後解散,兩位隊員先飛往札幌,卡臣下午三時始出發
宿:新千歲空港酒店
第五天
新千歲 – 丸駒日歸 – 千歲 – 新千歲 – 旭川
主要行程是取車後到丸駒日歸浸溫泉,接著回新千歲和當天到達的另外兩位隊員會合,最後直驅旭川
宿:Route Inn
第六天
旭川 – 層雲峽
是日的目標是上黑岳看紅葉
宿:層雲峽大雪
第七天
層雲峽 – 三國峠 – 帶廣
爭取遊覽高原溫泉、銀河之滝、銀泉台、三國峠,最後經十勝往帶廣吃豚丼
宿:東橫Inn 帶廣站前
第八天
帶廣 – 釧路
在帶廣/池田的景點遊覽,然後到釧路濕原,晚上去吃勝手丼和爐端燒
宿:Royal Inn
第九天
釧路 – 道東三湖 – 網走
穿越道東三湖直奔網走湖畔,住神秘溫泉旅館
宿:暫時賣一賣關子
第十天
網走 – 知床
遊知床五湖,到岩尾別川看鮭魚逆流而上,到羅臼賞絕景浸秘湯
宿:知床グランドホテル北こぶし
第十一天
知床 – 網走 – 能取湖 – 佐呂間
經網走略覽景點,賞能取湖珊瑚草
宿:船長之家
第十二天
佐呂間 – 美瑛 – 富良野
到美瑛走一轉經典路線,晚上到富良野住民宿
宿: ペンションやま山
第十三天
富良野 – 夕張 – 札幌
往富良野的數大工房,然後經夕張回札幌,並交回租用九天的汽車
宿:札幌華盛頓第一酒店
第十四天
札幌
自由活動、各取所需
宿:札幌華盛頓第一酒店
第十五天
札幌 – 東京 – 香港
回港日
秋天果然是個出遊的好季節,祝小字輩玩得愉快!
版主回覆:(09/13/2007 05:36:32 AM)
謝.也希望你的台灣走透透之旅吃得高興.
行程相當精彩, 可惜….唉!
呢個季節, 除了摘巨峰, 還有摘蘋果呢!
版主回覆:(09/14/2007 02:19:31 AM)
唉!
我驚唔記得講…
牛肉球呢, 去日本上一個月課的同學匯報, 吉列牛肉球係有機會賣晒的, 佢個次係下午5時左右…
版主回覆:(09/14/2007 02:19:44 AM)
賣哂咪下次囉.
終於見到你出行程啦, 好羨慕你地自駕遊, 可以去埋D我好難編到既景點, 因為火車及巴士都疏, 總是在某些時段沒有車的.
見到你既行程會上黑岳, 好期望看到你的照片. 我應該唔會上啦, 一來時間唔夠, 二來畏高, 唔敢坐吊椅.
版主回覆:(09/14/2007 02:20:20 AM)
是呀,所以一開始就決定自駕.為了玩自駕,小臣很認真地去補鐘,現在有信心揸車了.
吊椅離地一兩米,唔驚喎.況且上唔識驚(因向上望),落就驚都要落啦 ^^
希望有機會遇到你.我地是四女二男,駕Toyota的Sienta七人車.
就係驚落嗰下. 為免騎虎難下, 不如不上喇.
版主回覆:(09/14/2007 02:24:16 AM)
唔緊要啦,以現時的紅葉情況,應該在五合目都好靚.
好羨慕呢 !
版主回覆:(09/14/2007 03:19:19 AM)
本來預埋你的,又不來和我們一起玩!
秋天真是旅遊的好季節。Jason & Carman能夠一年去日本兩次,真令人羨慕不而 ……
紅葉,溫泉、駕車、美食 … 實在非常豐富,一定要好好享受這15天旅程呀!
版主回覆:(09/14/2007 05:21:36 AM)
謝謝helen,這次有經驗豐富的領隊同遊,幾乎不用做功課,不知幾開心.
你幫我出埋錢我仲開心.
版主回覆:(09/14/2007 06:10:28 AM)
不是我們向非領隊非司機的團友收小費的嗎?即係有人贊助啦.
Jason,去築地,記往去大和寿司,我剛去完,好好味!我好羨慕你哋可以去北海道睇紅葉!係北海道揸車好好玩。玩得開心D,記住返嚟同我share!
版主回覆:(09/14/2007 02:07:39 PM)
多謝.回來當然第一時間寫遊記啦.^^
話咁快就到你們深秋之旅
嘩!仲係15天,巧正呀 ^^
仲摘巨峰tim,翻黎記得比多d料教下路呢
玩盡d、食好d、買多d
版主回覆:(09/14/2007 02:21:09 PM)
摘生果,小彭先係專家:
打算去呢個-
秩父フルーツファーム
http://www.fruit-farm.jp/
淨係睇個行程都要嘩嘩聲,仲要去成半個月添,真正!祝你旅途愉快!
版主回覆:(09/15/2007 12:18:05 AM)
嘻嘻,我都未試過去兩星期!
玩得開心d !
p.s. 可能有機會在東京相遇呢 (27日回到東京)
版主回覆:(09/15/2007 12:18:42 AM)
謝謝.未必有機會碰面,我們廿六日已在札幌.
去池袋就試下屯珍拉麵喇!
版主回覆:(09/15/2007 03:31:25 AM)
看看有沒有機會 ^^
預祝小字輩旅途順利, 見到乜野好野, 記得買d返黎派街坊呀……(又或者見到靚靚bb product, 幫我買俾我bb都得架, 我有大把yen現鈔, 保證付款!!!) ^.^
版主回覆:(09/15/2007 03:31:46 AM)
最斃我地無袋/o急放手信呢.六人一車,每人限帶一袋呀!
嘩,嘩,嘩,又羨慕,又妒忌呀. 如果唔係剛剛放咗兩星期假,我都會唔客氣問你可唔可以預埋我喇….咁玩得開心,食得開心,當然返嚟記得要詳盡報導呀!!
版主回覆:(09/15/2007 08:51:18 AM)
你去美國都好好玩啦.^^
我又update咗美國之旅嘅其他部份,得閒嚟睇吓啦!
得兩個男仕即你係同小Q? 咁辛苦你地要好好照顧眾女仕喇!!!!!
版主回覆:(09/15/2007 08:51:39 AM)
無錯!就是我同小Q啦.
你個blog我成日都上的.^^
Jason,
看完你的行程,搞到我都心思思想籌劃一個2008暑假北海道自駕遊添!
預祝各位旅途愉快!滿載而歸!
版主回覆:(09/15/2007 10:33:24 AM)
去啦 ^^
紅色的珊瑚草很靚,希望你地睇到啦 ^^
版主回覆:(09/16/2007 09:33:25 AM)
對呀!行程重點之一.
睇過一台灣網友的06年北海道自駕遊, 發覺10月6日能取湖的珊瑚草, 已經所剩無幾. 唔知你地第十一天係幾月幾日, 可以考慮係第九天先去.
你可以睇下當時D相.
http://blog.uimt.com/archives/2006/11/06110318.html
另外, 珊瑚草是要有陽光照射下才會變得金紅.
還有這是位於中國遼寧省盤錦雙台子河口的紅海灘, 據聞跟珊瑚草同科.
http://www.goexpo.com.hk/picture-shenyang2.htm
版主回覆:(09/16/2007 09:34:29 AM)
謝謝資料,我們會比他早幾天到能取湖,希望可以看到血紅的珊瑚草.
提早祝你地各樣事順順利利,要紅葉有紅葉,要珊瑚草有珊瑚草,要美食有美食, 要混浴有混浴…哈哈哈! 小心開快車比阿sir追.
真是遲來的祝話…祝各小字輩旅程…順風順水….一切從心所欲…肚滿腸肥(返黎先慢慢減喇吓!!)…^___^
謝謝小貝及谷媽!
一路順風, 食多D, 買多D, 睇多D, 影多D!!
順順利利,旅途愉快!
期待「跟著小娜去旅行」的連載!
講左好多次,不過都要繼續講,繼續祝福你們,順順利利,要花得花,要楓得楓,盡情享受一次超棒旅程。
Wendy,你也是呀.
cityphone爸爸,你好!跟著小娜去旅行真係好正架 ^^
多謝阿茄.