香港美食 – 樂意扒房 (Closed)
不是看過鱔稿王和小頭的報導,也提不起興趣去這間常常乘車經過的老牌扒房。其實一家餐廳可以屹立三十年而不倒,一定有他的成功之道,只是怕不懂欣賞而已。
這天小臣補鐘後和小卡往此店吃午飯,剛跑了一圈高速公路,心情興奮,連食慾也激發了出來。
午市套餐的餐單不吸引,決定單點,小卡要了肉眼牛排。我記得有人說牛尾弄得不錯,雖然餐單上沒有,但侍應說是日有燜好的牛尾,便點了這個,另加一客凱撒沙拉二人分享。
桌布居然是久違了的紅白格子款式,很多餐廳都不用這種格子桌布了,証明此店有堅持。先吃麵包,有普通法包和吐司,又暖又鬆軟的法包,自然比硬梆梆的吐司美味。
凱撒沙拉居然是在客人面前即製的,怪不得要 $90 一客。侍應先在盤子裡用芥末、蛋黃、橄欖油、起司醬等「打」出濃郁的醬汁,然後放入羅馬生菜拌勻,上碟後再灑上肉末和麵包粒即成。
這凱撒沙拉味道極濃,生菜又新鮮,吃得非常滿意。比起 Lawry’s 的甚麼「冰旋沙拉」,還是此店強得多。
小卡的肉眼牛排是老大的一片,色與香俱備,吃來雖不夠鬆化,但肉味洶湧而來,火候拿捏得好(小卡要的 是 Medium)。唯一要投訴的,是肉的份量對小卡來說是過多了,吃完讓她飽滯了大半天。
想不到我的牛尾是以「碟頭飯」形式上桌,熱騰騰的一大碟。牛尾以紅酒汁燜至極腍,雖然三件牛尾之中的一件火候不夠,但已令我吃得津津有味。熱燙的紅酒汁,用來下飯一流。
小卡見此店的飲品甚有「茶餐廳風」,便結賬離開,轉移陣地才喝咖啡。
結論是食物真的不錯,其中以牛排特別出色,果然是老牌扒房。
地址:灣仔告士打道50號馬來西亞大廈一樓
電話:2529-8933
<!–more–>
肉量過多真係要投訴, 食到人家肥肥白白就吾好啦! 閃…
版主回覆:(09/08/2007 01:32:05 AM)
嘻,係食到小卡肥肥白白啫.^^
我中學年代響樓上做野,個老細日日落去呢間野度食lunch咖,果時覺得間野好鬼貴,睇落又好殘舊咁,冇諗過會去食,不過你影d相出黎又好鬼吸引。哈哈。
版主回覆:(09/08/2007 02:24:34 AM)
"老細日日落去呢間野度食lunch咖"!
日日去都唔厭!?
Louis’ Steak House食咗好多年啦. 係幾個St. Louis’ School 嘅old boys開嘅餐廳. 水準一直都咁好, 不過比較隱蔽, 唔係咁多人知.
版主回覆:(09/08/2007 12:39:33 PM)
牛扒真的不錯.
多年前仲晌金鐘返工, 有人請過我去食lunch一次咁多, 印象唔深!
版主回覆:(09/08/2007 12:39:58 PM)
下次你請我去食一次,包你印象深.
雖則佢有名你叫扒房,但實情佢既豬扒及花膠扒先至係鎮店之寶。唔食過就真走寶啦。
唉,份量多又俾你投訴,有得吃唔吃好折墮㗎。:)
版主回覆:(09/08/2007 12:40:43 PM)
花膠就知啫,原來豬扒都係?下次試.
講下笑啫,唔會折墮呱? ^^
雖然牛尾似碟頭飯,但看賣相覺得好正, 牛尾煮得不腍係大忌….
版主回覆:(09/08/2007 12:41:58 PM)
不知為何三件中只有一件不夠腍……
可能係二舊係之前D客食剩, 一舊係新煮, 所以未….. 閃 ^O^
版主回覆:(09/08/2007 12:42:26 PM)
打頭! ^^