三千年後
我唔講野，淨係聽琴姐講野：
曲：陳輝陽 文：陳慧 獨白：李香琴
再見 唔好怪我第一句就同你講再見
因為我真係專情來同你道別
你知道我係邊個架 不過你唔記得左之嘛
我記得你 你總係笑咪咪咁望住我 你唔講嘢
淨係聽我講嘢 嗰陣時個世界好安靜
無而家咁嘈 襯得我特別吱喳 特別開心
我記得你隻手掃過我背脊嘅感覺
我記得同你去睇影畫戲 你會係我耳仔邊講嘢
你講得好細聲 其實我一D都聽唔清楚
不過 我好鍾意聽你 咁樣同我講嘢
以後 再冇人咁樣同我講嘢喇
我記得你好鍾意睇日落 睇完日落
就會去聽音樂會 我地又成日散步去食宵夜
嗰陣唔知點解 周不時都分唔清究竟係星期幾
日子好似唔會過去 時間都好似停左落o黎
然後 忽然間 就發覺原來已經經過左好多年
我記得 好痛 因為你話俾我知你要走
我無再睇過日落 亦都無再同人食過宵夜
原來 難過的日子 一樣係好似唔會過去
然後 又係一眨眼 至發覺已經過左好多年
我記得 你同我去過嘅每一個地方
我唔會再去
嗰D茶座、舞廳同花園 而家係點
我唔知 嗰D地方通通留係我心裡面
不過 我知道 你唔記得架o勒 唔緊要
我一個人記住就得啦
我唔會講 我老啦 我只係會講 我o係度太耐
時間耐左 難免知道人總會慢慢咁將過去淡忘
又會睇住D嘢 無聲無息咁樣消失
我點解要走 怪我自己啦
我先兩日 唔知諗緊乜嘢
無端端走咗去睇日落
個日落 就同我記得陪住你睇嗰個樣一樣
不過就算我點樣裝出若無其事
我都冇辦法唔承認
我失去嘅嘢實在太多喇
我要走喇 如果你記得返我係邊個
我知道 你一定會好唔捨得我
仲會好掛住我
再見
這一首收錄在陳輝陽的《十二金釵眾生花》裡面的一首「歌」，是近期最令我感興趣的本地創作，昨天終於等到它出版了，馬上買回家，聽了好幾遍。
琴姐好厲害，一段獨白都充滿戲味。
＜三千年前 Remix＞有關淑怡的吟唱，不過我還是喜歡這個＜三千年後＞的版本，沒有把獨白剪到支離破碎。
遲一些再詳細評一評此碟。
未聽聲，先見「文：陳慧」已知是好野。佢既文章好自然實在，但又觸動人心，卻又毫不煽情、不造作。
琴姐d戲係好正，我記得我細個睇粵語殘片時好憎佢，真為佢真係好似衰人啊！
呢個獨白，幾特別。不過可以睇埋詞就更好。
版主回覆：(07/28/2007 07:00:08 AM)
網上只有短版的歌詞,不過我已經補上其餘部分,貼在正文內了.
謝謝歌詞，真的很感動。
版主回覆：(07/28/2007 02:58:01 PM)
不用客氣,有好東西就想介紹給大家.
碟評不會寫，我也是一出版就買了。現在《詞話》也能省，寄居在這裏便是：
我想，陳慧在寫懷念、消逝、追憶
可以是一個人，一件事，一個物件
也許你身邊的某某已經三千歲（意象）
它／他／她沒有說出來
你也從來不會在意
只是它／他／她一點一滴在流逝
沒有「集體回憶」這給說得稀爛的詞之前
這份感覺帶點淒美
現在，遺忘的要開口說話
一定是非常重要的事
這事，就是道別
道別，是美麗的
因為不是若無其事
消失，才是感傷的
通常
女人比男人更會消失
琴姐唸的白
是神來之筆
版主回覆：(07/29/2007 07:15:32 AM)
陳慧寫出了真實版"天長地久"的淒涼,比起"集體回憶"的層次高很多.
每次聽到最尾一段李香琴d尾音都想喊…..
版主回覆：(07/29/2007 07:17:47 AM)
不瞞大家,我流了幾次淚……