小字輩聚會之 – 相約在香江(二)

  是次小貝伉儷的行程以探朋友為主,餘下和小字輩共聚的時間不多。能齊集所有人的,就只有星期日下午,而聚會地點也一再更改,最後決定在見城舉行。

早兩天「漁翁撤網」式訂了數家可能會去的館子時,見城的女侍應已告知大檯已被別人訂了,幸好壽司吧還有位子,雖然九個人坐在吧檯不利溝通,不過小蝦小貝首次光顧,可能會比較喜歡有壽司師傅在面前即做即吃。

結果九個人成「L」字型坐在渡邊師傅前面,安排尚算可以。除小茄點了壽司便當外,其餘七人都要了自選壽司,小貝三心兩意了好一會,最後也歸了大隊。

見城介紹過很多次了,魚生的水準是不用說的,不過今天只有渡邊師傅坐陣,客人又多,壽司搓得不算最好,加上他今天心情欠佳,把兩個小廝罵過狗血淋頭,小臣也不敢和他說笑了。

一邊吃一邊在想飯後到那裡落腳,忽然有人提起去德國豬手店,登時在座有好幾人眼中發出光芒,原來大家對烤豬手仍是念念不忘。

既然如此,告別見城後大夥兒便向尖東站進發,再訪上次聚會地點 King Ludwig Beerhall。

先坐一會,點些飲品邊喝邊談,把壽司消化一下。甚少主動喝酒的小臣也喝了一杯全麥啤,這啤酒甜甜的不帶苦味,之後變暖了也不難喝,果然酒是外國的好。

稍事休息一會後,大家點了一只豬手和兩客農夫包。志當然不再麵包,而是那香濃的牛肝醬。

豬手依然是皮脆肉嫩,香氣撲鼻,雖然每人只分了一小口,也總算是解了饞吧。啃骨頭的任務再次交到小蝦的手上。

吃完豬手,再和蝦貝二人買了些東西就分手了。部份小字輩也約好下次去澳門聚會的日期。

短短的聚會到此便結束。

<!–more–>

小字輩聚會之 - 相約在香江(一)
奇妙的二百元(一)

25 Comments

  1. 回覆
    小彭 2007 年 02 月 04 日

    我右邊那位都覺得今天的壽司有d散!
    可能我好肚餓, 樣樣都好味, 連鐵火卷的吞拿魚都好鮮!
    如用小貝帶來的飽(無餡的)加牛肝醬, 可能仲好呼! 今日農夫飽個面雖然脆, 但硬左d.

  2. 回覆
    小茄 2007 年 02 月 04 日

    難得海外的小貝小蝦到訪,一於小字輩全體出來聚一聚,感激小臣漁翁撤網,為我們一改再改聚會地點。

  3. 回覆
    小妹 2007 年 02 月 04 日

    小字輩的食力果然驚人!

  4. 回覆
    joeyee 2007 年 02 月 04 日

    吾…的確係有d散, 壽司定食件豬肉好正, 我都忍吾住偷食左d, 下次一定要試呢個餐.

  5. 回覆
    carjaswong 2007 年 02 月 05 日

    我的壽司只有一件略欠團結,其他的都okay,昨天的海膽特別正!
    小茄,下次你負責安排。
    小妹,你一邊上課一邊後悔吧!
    小儀,小卡次次都話下次試新野,咪又係吃自選!

  6. 回覆
    小彭 2007 年 02 月 05 日

    小yee, 那個是壽司弁(便)當, 唔好叫錯"定食"!

  7. 回覆
    小貝 2007 年 02 月 05 日

    是,約會地點一改再改,幸好各位都能準時出席, 你知啦, 有人話無電話通知更改嗎! 坐壽司吧的確好好feel, 飯也有點散, 幸好魚生夠新鮮,所以都ok, 不過我見小儀全場望住小茄個set ^^, 豬手是我倆杯茶…可惜小彭講得對,麵包有點硬..

  8. 回覆
    carjaswong 2007 年 02 月 05 日

    做"聯絡辦主任"好慘架,打小個電話又有人唔高興 ^^

  9. 回覆
    老c 2007 年 02 月 05 日

    下次預埋我啦, 我可以食魚生la….

  10. 回覆
    阿茄 2007 年 02 月 05 日

    我自己都估唔到個便當裡面有兩件好味的豬肉,肥瘦適中,初時同小儀猜是什麼東西,還以為是煮熟了的魚肉,吃後才知道是豬肉,簡直諗都未諗過向見城吃豬肉,不過真係好好味。
    司令,要我負責安排可能大家無好野食wor。
    小儀真係全場望住我個壽司便當,好彩我無走開去廁所。

  11. 回覆
    小貝 2007 年 02 月 05 日

    講起去厠所,我覺得茄及小蝦一直虎視眈眈望住我d壽司,攪到我差點中尿毒…雖然我無行開, 但一不留神比小蝦偷襲了幾舊壽司 >.<

  12. 回覆
    carjaswong 2007 年 02 月 05 日

    老師,下次我地去澳門喎 ^^
    阿茄,那是豚角煮呀,不過我也未在見城吃過.
    小貝,又係你話唔食咁多生野,我地樂於助人嘛~

  13. 回覆
    galaxy 2007 年 02 月 05 日

    嘩嘩,食完壽司,仲可以食得落豬手和農夫包,好利害的胃 !!! 小字輩要改名做大字輩咯

  14. 回覆
    老c 2007 年 02 月 05 日

    去澳門!? 好呀, 幾時先???

  15. 回覆
    joeyee 2007 年 02 月 05 日

    我其實好想食果條白色ge魚天婦羅, 我一直都虎視眈眈, 想趁亞茄一個吾覺意我就食左佢, 點知……衰茄仲要留到最後先至食……

  16. 回覆
    carjaswong 2007 年 02 月 06 日

    小嘉,是其中部份小字輩咋,講大胃小臣敬陪末座。
    小儀,你叫阿茄"望右面!有靚女睇呀!",咪可以搶佢條魚囉!

  17. 回覆
    小貝 2007 年 02 月 06 日

    小yee; 下次你要order兩份,咁未可以滿足你既要求羅 ^^

  18. 回覆
    小彭 2007 年 02 月 06 日

    除左豚角煮, 見城個炸豆腐(有汁個d呢)都非常好味!
    其實我等緊小儀話叫多set壽司便當… 我一定分擔一下架!

  19. 回覆
    阿茄 2007 年 02 月 06 日

    小儀,早響呀,不過唔好諗住我會俾你食wor,係我早d食左佢,就唔洗引你啦,哈哈哈。
    既然小彭小儀都想食件豚角煮,就一齊去過囉。

  20. 回覆
    小貝 2007 年 02 月 06 日

    我又想去,預埋我!

  21. 回覆
    小彭 2007 年 02 月 06 日

    之但係個便當未必一定係跟豚角煮個喎… 918時我食到ge係煮野菜!

  22. 回覆
    阿茄 2007 年 02 月 06 日

    o下….原來不是固定的,豚角煮比野菜吸引,是否有單點豚角煮?

  23. 回覆
    carjaswong 2007 年 02 月 06 日

    豚角煮應該沒有單點,不過唔肯定,小彭下次去唔該check check(她去得多過我).

  24. 回覆
    小貝 2007 年 02 月 06 日

    我信,因為小彭好有經驗咁考我點點菜….

  25. 回覆
    阿茄 2007 年 02 月 06 日

    即是可遇不可求…

發佈留言

發佈留言必須填寫的電子郵件地址不會公開。 必填欄位標示為 *

three × four =