我的泊車熱點

  [不斷加入小臣 car-cam 的影片:最新 ((21/3) 天文台道八號、紅磡仁孚停車場、(7/4) 土瓜灣海悅豪庭、(17/4) 樂富邨停車場、(24/4) 中信大廈]

[下面如有兩個數目的話,分別是平日收費及星期 (五)、六、日及假期的收費,如 $20/hr / $24/hr,即平日收費 $20/hr,星期六、日及假期收費 $24/hr。小臣大概兩至三個月大規模更新資料一次 (Last Update: 16 Apr 2017),但不可能完全準確,請大家幫忙報料。另外小臣認為在各區最佳的車場(如有)會用橙字顯示。]

不經不覺成為駕車族已經數年,這些年間的生活有了不少變化:駕車雖帶來很大的便利,但亦限制了自己出行的地點,特別是塞車嚴重及泊車難的地區。寫這篇文章,主要是分享一下自己常泊的停車場,希望拋磚引玉,讓其他車主們也介紹一些好的泊車地點。

港島區

香港仔 – 香港仔中心 ($26/hr) 在假日通常都爆滿,所以只能泊在金豐大廈 ($20/hr),通道十分窄,又要上天台才有時租,不過謝記結業後,小臣已很少到香港仔。

薄扶林瑪麗醫院 ($20/hr 首小時,第二小時 $30/hr, 再之後 $50/hr) 的停車場通道比較窄,要上很多層才到訪客車位,不過要去探病就沒有選擇 [影片(入)影片(出)]。

西環 – 西環的停車場均是劣評居多,小臣曾試泊海怡花園 ($18/hr),此場路狹柱多,車位超窄難入,能全身而退已是萬幸 [別人的影片]。附近的美暉大廈 ($12/hr / $16/hr) 上落車道中間有一幅「頂心牆」,向下走時偷盡位也要倒一手軚才僅可通過(記得看出車那段片),有些位非常窄,小臣要由後座爬進車內 [影片(入)影片(出)]。而士美菲路市政大廈 [別人的影片] ($11/hr),但上落車道亦是十分狹窄,假日長期滿座,所以每次去 Piccolo 都儘量泊在門口錶位。

石塘咀 – 這邊選擇亦是不多,屈地街香港商業中心算不錯($24/hr,但要上到四樓才有時租)[影片 (入)影片(出)],千萬不要進錯就在毗鄰的龍豐閣,有網友說是能入不能出!另外大場西寶城(寶翠園)也泊過,比較麻煩(因商場及住戶車場的出入口相同,要過兩次閘)且上落斜道較狹窄,車位尚算十分闊落,不過沒有八達通付款 ($20/hr / $24/hr) [別人的影片 (Part 1), (Part 2)]。有網友推薦創業中心,$15/hr,看影片好像不太難泊 [別人的影片]

上環 – 主要泊林士街多層停車場 ($21/hr,晚上七時後 $50 任泊),利用天橋及上環站通道,四通八達。

  

也泊過中遠大廈 ($25/hr),要駛到六樓才有時租,最近每次去到,都見門口放了個「滿」字,根本不歡迎時租。如果要去永安百貨購物,可直接泊入他們的停車場 ($30/hr),購物滿 $300/$600 有一/二小時免費泊車 [影片(入)影片(出)]。去荷李活道一帶可泊聚賢居 ($30/hr, 其後每半小時 $15),由必列者士街入,去半山行人電梯附近都很方便 [影片(入)影片(出)]。荷李活華庭 ($16 半小時) 進去過一次,差點卡住了在一個死位出不了來,沒有下次,駕大車的朋友請三思。

中環 – 這區應該泊 IFC2 最便宜 ($26/hr),不過要轉很長的圓型斜道 [影片(入)影片(出)] 。而香港站停車場正價則是 $33/hr / $32/hr,轉乘港鐵則是 $17/hr,轉乘機鐵則是 $8/hr。其他好像萬宜大廈 ($16 半小時) 或中環中心 ($32/hr) 的收費都高得多,不過後者通道及車位都很闊落 [影片(入)影片(出)]。去和記大廈或美銀中心那邊,則可泊美利道多層停車場大廈 ($23/hr),典型政府停車場,不過到五月一日會停止營業。到雲咸街附近的話,可選中央廣場 ($32/hr / $39/hr),斜道設計奇怪,每層只有十個位左右 [影片(入)影片(出)]。

  

金鐘 – 來這邊通常都是泊太古廣場 ($25/hr),消費 $300 有三小時泊車優惠 [影片(入)影片(出)]。去蘭杜街這邊就泊太古廣場三期 ($25/hr),不設泊車優惠,但好泊且方便去大道東一帶 [影片(入)]。金鐘政府合署好像是 $20/hr,不過未泊過。也泊過花園道三號,只是 $20/hr,但人為地弄出很多急彎,且地點一般,不過去香港公園或紅棉道婚姻註冊處就不錯 [影片(入)影片(出)]。另外夏愨道公園停車場,去統一中心一帶較方便 ($28/hr) [影片(入)影片(出)]。中信大廈地點較偏僻,不過去分域碼頭就很方便 ($25/hr),裡面的設計很像灣仔大有 [影片(入)影片(出)]。

灣仔 – 通常泊在大有大廈 ($24/hr),有半小時計,不過要人手付款,不設八達通,且斜道甚窄 [影片(入)影片(出)],裝修後雖然環境好些,但基本上和以前沒有分別 [影片(入)影片(出)]。集成中心 ($30/hr) 以前最便宜 (已由 $20 大幅加至 $25,再加至 $30),通道窄但車位尚可。

  

中國海外大廈 ($28/hr) 較近修頓球場,要搭升降機,出升降機後要反覆倒車幾次才可駛向泊車位 [影片(入)影片(出)]。有網友說雖然越秀大廈也要乘升降機,但新手也沒被難倒 ($21/hr),不過看別人的影片要倒車入升降機,不是想像中那麼容易。之前去富聲飲茶通常泊華懋世紀廣場 ($31/hr),不過試過要自己乘升降機後便怕怕,之後泊海外信託大廈,雖不用乘升降機,不過車位超窄,隨時泊了車開不了門 [影片(入)影片(出)] (最近由帝豪接手後,在謝菲道一帶的車場全部提價至 $33-35/hr,簡直是搶錢!現在連三湘大廈都加至 $35/hr,絕對要抵制,寧願泊新鴻基中心行天橋過來,其實都好方便)。灣仔北的話可泊瑞安中心 ($27/hr),出入口窄要偷位,車位尚可 [影片(入)影片(出)]。會展一二期 (首二小時 $29/hr, 之後 $32/hr ) 雖不便宜,要去會展參加活動的話,基本上是不二之選 [一期影片(入)影片(出),二期影片(入)影片(出)]。另外附近有鷹君中心 ($27/hr),日泊也是 $165,在灣仔區算便宜 [影片(入)影片(出)],斜對面的新鴻基中心現在收費加高了 ($28/hr),它時租位不多,而且劃得很窄,不過返回謝菲道一帶很方便 [影片(入)影片(出)]。有天泊了在軒尼詩道修頓球場附近的上海實業大廈 ($33/hr),通道及泊位都很窄,不過勝在地點方便 [影片(入)影片(出)]。胡忠大廈 ($15 半小時) 時租位少,經常要在入口輪候,不過車位重新劃過,超級闊落 [影片(入)影片(出)]。合和中心要在堅尼地道出入,不太方便,車場本物則除了出入口較危險之外,尚算可以 ($28/hr) [影片(入)影片(出)]。附近還有大道東248號 (現名陽光中心),入口在玩具街 ($30/hr) [影片(入)影片(出)]。利東街 ($30/hr) 雖然是新場,但設計騎呢,入口那幅牆極易簽名留念,車場的通道也窄,除非來消費,否則泊胡忠好得多 [影片(入)影片(出)]。近灣仔警署那邊則有匯漢大廈 (萬通大廈) (一至六 $31/hr, 假日$27/hr),但通道及車位都很窄,小心上落 [影片(入)影片(出)];附近的東城大廈收費一樣,車位重劃後闊得多,但上落通道也是不夠二車並排 [影片(入)影片(出)]。網友泊過東亞銀行大廈 ($23/hr),沒八達通,車位闊度可以,不過平日經常擺個「滿」字出來。到伊館及摩利臣山那邊可泊愛群大廈 ($25/hr),除通道某些位及個別車位比較窄之外,尚算可以 [影片(入)影片(出)]。

銅鑼灣 – 最常泊是禮頓中心($24/hr, 有半小時計,四小時最高只收 $80,在利園集團的商場消費滿 $200 已有三小時免費 ,是銅鑼灣最平),不過斜道很窄且滿佈「簽名」,要很小心慢駛。小臣自以為熟手,也曾刮到左後輪上面的車身,簽名留念。

  

另外同系的新寧大廈也有同樣優惠,不過很易泊滿,而且入口極窄,長車一手軚沒可能扭得進去($28/hr, 有半小時計,四小時亦是只收 $68)[影片(入)影片(出)](重建中)。南華會 ($12 半小時),除非是在附近活動,要走路回銅鑼灣中心部分其實很遠。車場出入容易,不過位有點窄 [影片(入)影片(出)]。世貿中心雖然方便,但不便宜 ($38/hr / $46/hr) [影片(入)影片(出)] 。旁邊的信和廣場 ($36/hr / $48/hr) 平日略為便宜些,車位尚算寬敞 [影片(入)影片(出)],而鵬利中心 (中糧大廈) 也是一樣 ($34/hr / $46/hr)。去天膳吃飯的話會泊在富豪酒店 ($27/hr / $29/hr),不過要乘升降機 [影片(入)Part 1Part 2影片(出)]。銅鑼灣廣場二期 ($34/hr / $46/hr) 出入口要看燈號,車位很少,B3 層有些位很窄,不太喜歡 [影片(入)影片(出)]。利園二期 ($32/hr) ,不是因為去西苑吃飯的話,未必會泊這邊,因為要消費滿八百元才免費泊三小時 [影片(入)影片(出)]。伊利莎伯大廈上落二樓及出口的柱位頗考技術,除此之外不算太差 ($32/hr,有半小時計) [影片(入)影片(出)]。時代廣場附近的路非常擠塞,就是場內行車亦十分緩慢,不過下載它的 iPhone Apps 就有每天一小時免費泊車,消費 $350 免三小時(假期二小時) ($27/hr / $29/hr) [影片(入)影片(出)]。皇室堡 ($38/hr / $46/hr),通道及車位都窄,一點大場的感覺也沒有 [影片(入)影片(出)]。

天后 – 柏景臺是十分方便的停車場 ($19/hr),不想泊銅鑼灣的話,可以泊在這裡再乘地鐵過去。有次因為年宵,柏景臺大掛長龍,最後找到屈臣道的海峰園 ($22/hr),典型舊場,既窄且多死胡同,泊過一次就夠 [影片(入)影片(出)]。

北角 – 健威花園 ($22/hr / $26/hr) 車位及車道均很狹窄 [影片(入)影片(出)]。就在附近的港運城 ($18/hr),通道及車位都寬闊一點,唯一是車位不算多。

  

另外近炮台山那邊,有國都商場,車場尚可,不過沒八達通繳費 ($25/hr)  [影片(入)影片(出)]。此區最佳應該是 AIA Tower ($26/hr) [影片(入)影片(出)]。附近還有華懋交易廣場二期 ($26/hr),英皇道直入,尚算方便 [影片(入)影片(出)]。

鰂魚涌 / 西灣河 – 太古城中心 $20/hr,可算便宜 [影片(入)影片(出)]。去大酒店附近的話(主要是光顧津津),會泊嘉里中心,這新建的停車場非常闊落,$25/hr [影片(入)影片(出)]。太古坊德宏大廈收費合理 ($17/hr),通道略窄,車位則寬窄都有 [影片(入)影片(出)]。在英皇道一帶,有網友推薦富通中心 ($14/hr)。去鯉景灣吃飯又不想等碼頭附近的錶位的話,可以泊嘉亨灣 ($16/hr / $18/hr),不過離開時要繞很多路才能由車場出來。太安街爛地場近太安樓那邊多一些 ($14/hr),不過最低消費兩小時,短泊的話不值 [影片(入)影片(出)]。

  

筲箕灣 – 去筲箕灣市中心,一定是泊峻峰花園,政府場,$11/hr,一星期七天都有日泊,$50 [影片(入)影片(出)],泊在這裡去石澳也很方便。耀東邨的多層停車場是典型政府式半層的設計,$17/hr,泊了車沿電梯下去新成街一帶也很方便 [影片(入)影片(出)]。

柴灣 – 新翠花園好像是 $20/hr,要付現金,出入口的斜道既窄且彎,車位及通道反而不差。另外到高威閣這邊只有康翠臺可選,$20/hr,有很多急彎不夠對頭車一起過,要小心駕駛 [影片(入)影片(出)]。小西灣藍灣半島車場夠大 ($17/hr / $19/hr),都附近拜年不想泊街的話,還是要來這裡 [影片(入)影片(出)]

山頂山頂廣場 ($38/hr) 算是容易泊,不過收費實在太高,雖然在凌霄閣消費有免泊車優惠,但真的找不到在那裡消費數百元的理由 [影片(入)影片(出)]。


九龍區

尖沙咀 – 以前最愛是中間道多層停車場($20/hr,晚上七時後 $50 任泊),易泊又便宜(在 2014 年 7 月 1 號結業)。其他的收費都很高,K11 最近也加到 $33/hr / $35hr [影片(入)影片(出)],間中會泊在美麗華 ($35/hr / $37/hr) [影片(入)影片(出)] 或 The One ($35/hr / $37/hr) [影片(入)影片(出)]。如果去廣東道那邊,則會選北京道一號(再加價,$28/hr / $30/hr)[影片(入)影片(出)]、海運大廈 ($23/hr) [影片(入)影片(出)]、港威 ($27/hr) [影片(入)影片(出)] 或中港碼頭 ($29/hr) [影片(入)影片(出)]。新太陽廣場 ($30/hr) 最少二小時也算了,但凌亂又骯髒,還要泊在架下,試一次便夠 [影片(入)影片(出)]。去尖東的話,以前小臣通常都泊華懋廣場,現在 $26/hr,不如泊安達中心或新東海;它的斜道入口十分窄,技術不好的最好不要試,[影片(入)影片(出)] 有次有位濶太幾乎想把她的 Benz 拋給小臣代轉上斜道,不過最後還是教她偷位算了,免得撞花了賠不起。港晶中心要乘電梯 ($20/hr,最少二小時),之後又要留匙代泊 [影片(入)影片(出)]。遠一點的新東海 ($22hr),仍然是全尖東最便宜 [影片(入)影片(出)],不過入 B1 那條頂心柱真的要小心。另外網友說附近的康宏廣場時租要扭上露天位 ($25/hr)。近漆咸道有安達中心 ($24/hr / $26/hr),要上到高層才有位,而且有些位非常窄,不過地點真的不錯 [影片(入)影片(出)];對面的鐵路大廈 ($29/hr) 入口雖似黑洞場,且第一個上斜彎很急;通道尚算可以,車位偏窄 (已加八達通,不過大幅由 $25 加至 $29) [影片(入)影片(出)]。另外網友報料:新文華中心 ($26/hr) 車位闊度都算可以,只是通道比較窄,大車出入要小心,另車場和行人出入口比較暗和骯髒。另有新場天文臺道八號,小心車道頂心柱 ($33/hr / $35/hr) [影片(入)影片(出)]。理大平日下午五時後及假日只收 $15/hr (星期一至五繁忙時間 $40/hr),網友說尚算易泊,只是通道略窄,去看演唱會可以考慮。

西九龍 – 圓方泊車優惠是好 ($180 消費有三小時,$400 則有五小時(星期六日三小時)!純泊車 $18/hr),但亦因為此停車場經常爆滿,加上食肆不是很吸引,購物亦無需來此,所以很少來。再要便宜的話,可泊在九龍站車站停車場 ($26/hr / $25/hr),出入東涌線車站後可享 $14/hr 的優惠 [影片(入)影片(出)],不過這種方法適合泊時間長,或轉乘鐵路的朋友。

 

佐敦 – 每月去找波叔修甲,以前車通常泊在港景峯,不過最近加價後,收費已和附近的場看齊甚至更昂貴,一於抵制姓李的賤精 ($23/hr / $26/hr)。

  

對面童軍總會的停車場也是收 $23/hr (星期六日日間 $25/hr,晚上$27/hr),不過上落的斜道真是頗窄 [影片(入)影片(出)]。

最氣人是九龍公園,以為假期 $16 很合理,後來才知是每半小時的收費 (兩小時後每半小時更是 $24!),還要是露天的,泊了兩次才知道!附近廟街寶輝閣 ($24/hr) 要上轉盤及升降機,但樓上車位尚算不俗 [影片(入)影片(出)]。另外有網友推薦吳松街的榮國中心 (星期一至四及日收 $26/hr,星期五六 $28/hr),也要乘升降機,但不算難泊。好兆年行近山林道那邊,收費頗貴 ($33/hr / $35/hr),且通道車位都頗窄 [影片(入)影片(出)]。

油麻地 / 大角咀 – 去油麻地通常泊在多層停車場大廈,$17/hr,超值 [影片(入)影片(出)],不過很快便會隨中九龍幹線工程拆卸。駿發花園亦不錯, $21/hr,只可現金付款(已安裝八達通)。

  

往大角咀會泊新九龍廣場,因為是貨車停車場,通道非常寬敞,而且很便宜 ($12/hr / $11/hr) [影片(入)影片(出)]。如果去填海區那邊,可選匯豐中心,($20/hr / $16/hr) [影片(入)影片(出)],或是另一端的港灣豪庭 ($10 / $12 半小時),不過在一樓找不到車位便要到地庫,頗為麻煩的設計 [影片(入)影片(出)]。再向西一點的奧海城一期,$17/hr,不過消費滿二百就有兩小時免費 [影片(入)影片(出)],奧海城二期則在奧運站的另一邊,是 $16/hr / $18/hr  [影片(入)影片(出)]。

旺角 – 旺角泊車最頭痛,停車場不是難泊就是超貴,通常貪方便泊在朗豪坊 ($14 半小時 / $17 半小時)。

  

就是在聯運街的爛地場都不便宜 ($17 / $19 半小時,長假期更有”特別收費”!看清楚才好泊進去),所以現在較少去旺角。登打士街柏裕中心雖方便,但超貴 ($28/hr / $36/hr) [影片(入)影片(出)],在廣華街的百利達廣場或廣發商業中心亦可考慮 ($14 / $16 半小時) [影片(入)影片(出)],百利達廣場收費一樣,不過車位及通道略寬少許 [影片(入)影片(出)]。去到大平道那邊還有個叫安百利的車場($28/hr),不過上落是單程行車的,要有心理準備 [影片(入)影片(出)]。新世紀廣場也有不少擁護者 (已加至 $26/hr / $30/hr),位多易泊,但優惠已比以前難取 [影片(入)影片(出)]。始創中心地點好,但收費居然和朗豪坊看齊 ($14 半小時 / $17 半小時) [影片(入)影片(出)]。

何文田 – 通常是去房委會職員餐廳吃晚飯才來這邊,會泊在何文田邨/何文田廣場 ($19/hr / $21/hr) [影片(入)影片(出)]。

紅磡 – 黃埔花園不多去,一想起人多車多就怕怕,不過偶然也會去詠黎園吃碗擔擔麵的 ($16/hr / $20/hr),二百元消費有免費泊車,影片拍的是黃埔美食坊的停車場,黃埔花園還有四個停車場。另外海濱廣場雖然非常闊落,但 $28/hr 的收費未免過分了一點吧 (原來平日下午六時後及星期六日只是 $14/hr,黃埔優惠同樣適用) [影片(入)影片(出)]。到蕪湖街一帶可泊家維邨停車場 ($18/hr / $22/hr),地點方便易泊 [影片(入)影片(出)],另外亦有仁孚停車場,要上六樓以上才有時租位 ($20/hr) [影片(入)影片(出)]。紅磡車站上蓋的停車場很受歡迎,經常爆滿,要轉到上頂層 ($19/hr: 8am-8pm / $22/hr: 8pm-12:00am; $85 一天轉乘港鐵) [影片(入) ]。對面的國際都會 ($22/hr),亦算易泊,演唱會次選 [影片(入)影片(出)]。

  

土瓜灣 – 來這邊通常都是泊街邊錶位,這天本來打算泊旭日豪庭,結果晚上沒有位給時租,最後駛到祟安街的半島廣場 ($22/hr / $14/hr) 。這個是旅巴/貨車場,好處是通道闊,但要駛到五樓以上才是私家車時租位 [影片(入)影片(出)]。另外有天駛進了新柳街的昌盛閣,才知道是黑洞場,通道車位都窄,又要前後泊留匙,就算便宜 ($12/hr) 也不會再試 [影片(入)影片(出)]。去新山道/譚公道那邊可海悅豪庭 ($16/hr),通道尚可,有些位頗窄,最底層地面又長期積水,但勝在方便 [影片(入)影片(出)]。

深水埗 – 另一泊車難的地區,西九龍中心日間一泊要兩小時 ($23/hr)雖然送回一小時泊車劵供下次用,但都是麻煩,晚上在此泊車好一些,吃飯或買少許東西便拿到優惠。

  

次選是在福榮街的爛地場,$18/hr,不過要步行五分鐘左右才回到黃金商場一帶(地盤已收回)。技術好的話,可以挑戰三大地獄場之一的美居中心 [別人的影片] 或金必多大廈。長沙灣政府合署收費分好幾個時段,分別是上午七至十二 $14 半小時、十二至晚七 $18 半小時、晚七至早七 $8 半小時,假日同價 [影片(入)影片(出)]。另推薦富昌邨,日泊 $95 (12 hr) /115 (24 hr),時租 $16,過對面南昌站可轉乘西鐵及東涌綫 [影片(入)影片(出)]。

長沙灣 / 荔枝角 – 泊過貿易廣場(因為要去附近看部門球賽),因為是泊貨車的停車場,所以通道及車位均非常寬敞,唯一不好是不設八達通繳費 ($14/hr) [別人的影片]。長沙灣廣場則是在荔枝角站一帶的首選 ($17/hr),不過上落斜道頗窄,但不像禮頓中心那樣「起角」。如果要取泊車優惠的話,記得用八達通入閘後按張票出來才可辦理 [影片(入)影片(出)]。附近的億利工業中心有很多食肆 ($20/hr),不過沒標明有時租,上次問過才敢進去 [影片(入)影片(出)]。活化工廈 D2 Place 的車場有前後排位 ($20/hr 最少兩小時) ,不過不知誰會泊進後排 [影片(入)影片(出)]!另外興華街一帶,可選麗寶花園,是附近唯一不需乘升降機的車場,而且和泊街邊差不多價錢 ($14/hr) [影片(入)影片(出)]。元洲邨亦相當易泊,停車場有天橋連接商場,非常方便 ($20/hr) [影片(入)影片(出)]。近批發市場有田氏企業中心,典型工業大廈場 ($12/hr),不設八達通付款 [影片(入)影片(出)],所以還是泊星匯居好過 ($10 半小時) [影片(入)影片(出)]。

美孚 – 通常去滄浪亭吃上海麵才會在這裡泊車,只泊過百老匯街這邊 ($24/hr),位很窄,但尚算容易出入。曼克頓山 $16/hr,應該更易泊。

葵芳 / 葵興 – 新都會廣場是不二之選,通道闊落車位又多,收費亦合理 ($12/hr / $14/hr)。

  

到葵興可以泊在葵興邨內 ($18/hr),典型屋村多層停車場 [影片(入)影片(出)]。另外有讀友介紹九龍貿易中心 ($15/hr),新場企理,唯一問題是出口落車道略窄,不熟悉的話可能要回多手軑;亦有推介葵星中心 ($16/hr),在和宜合道近青山公路,雖是舊場但比想像中易泊。另有網友推介在和宜合道的葵涌停車場,($15/hr, $6/hr),有需要去這邊的,可以考慮。

九龍塘 – 泊在自己家的車位!不過有時回家前去吃飯或買少許東西,也會貪方便泊在又一城 ($20/hr) [影片(入)影片(出)],不過假日通常大排長龍。

九龍城 – 通常等不到街邊位,直接泊入去九龍城廣場就算 ($16/hr / $18/hr),這場除了出入斜道的 S 彎外,也不算難搞。

  

石硤尾 – 南山邨就在小臣住處附近,現在剪髮亦是在這邊,所以一個月總有一次泊在這屋邨停車場 ($15/hr,每日下午十二時至三時半價),有興趣來品香樓吃飯的,亦可泊這裡 [影片(入)影片(出)]。石硤尾邨原來有個頗大的停車場,不過入口是小巷一條,轉兩個彎才知別有洞天 ($15/hr),典型屋邨半層半層的格局 [影片(入)影片(出)]。

樂富 – 就泊在樂富廣場 ($16/hr),直入 UNY,購物非常方便。

  

如果這邊滿了,也可以泊在A區街市,收費及泊車優惠都是一樣 [影片(入)影片(出)]。去佛教醫院/食棧/石屋家園可泊樂富邨停車場 ($$15/hr / $16/hr),典型屋村場,易泊 [影片(入)影片(出)]。

彩虹 – 可以泊清水灣道 8 號,在地鐵站一出一入後,便可享 $9/hr 的轉乘優惠 ,泊在這裡再乘小巴進西貢也不錯。

黃大仙 – 曾泊過啟德花園 (多年前收 $11/hr, 沒有資訊作更新),入口和黃大仙下邨共用,要過兩次閘,不過通道及車位都算寬敞 [影片(入)影片(出)]。

慈雲山 / 鑽石山 – 慈雲山中心地點正中,車場尚算闊落 ($16/hr),只是上三樓的斜道甚窄 [影片(入)影片(出)]。鑽石山則推薦荷李活廣場,便宜易泊之餘 ($14/hr),每月都有多種不同的泊車優惠 。

  

新蒲崗 – 康景樓最近得龍,$20/hr,算便宜 [影片(入)影片(出)]。反而外表企理的新科技廣場 ($22/hr),通道泊滿車,晚上八時後又要登記證明文件才可取車,非常麻煩,泊一次便夠 [影片(入)影片(出)]。譽‧港灣 (Mikiki) 也只是 $16/hr,企理易泊,泊車優惠又容易取得,值得推薦 [影片(入)影片(出)]。

九龍灣 – 當然是德福二期最好泊 ($21/hr) [影片(入)、影片(出)],如果是在一期買一點東西就走的話,也可考慮它的車場,不過是露天位為主,而且很多貨車上落貨 [影片(入)影片(出)]。淘大要 $25/hr,優惠尚算易取,但也不值此價 [影片(入)影片(出)]。反而經常泊得寶 ($16/hr / $20/hr),因為小臣小卡的中醫師在那邊,不過柱多路窄,出口更是一大挑戰,上下左右都是陷阱,很易掛彩。新場彩頤居在淘大毗鄰,但便宜很多 ($14/hr / $16/hr),不過泊車後向下走去淘大尚可,沿樓梯上來就會變身「百曉生」[影片(入)影片(出)]。

  

要去 Mega Box ($16/hr / $20/hr) 那邊的話,千萬不要泊它的停車場,因為要上很多層,而且沒有顯示那一層才有位,假日又超多車輪侯 [別人的影片],小臣寧願泊在國際交易中心,就在斜對面 ($20/hr) [影片(入)影片(出)]、或是一號九龍,$16/hr,很易泊 [影片(入)影片(出)],不怕行遠一點還有南豐商業中心 ($20/hr),貨車場,不過時租位不太多 [影片(入)影片(出)]。啟業邨有好味又便宜的大排檔,到那裡可以泊在邨內的多層停車場,$18/hr,不知為何,很多人一車泊兩位,想找題材上報 pkparking,這裡的選擇很多 [影片(入)影片(出)]。九龍灣展貿中心 KITEC/Emax ($18/hr) ,在那裡消費有二至四小時免費,不過星期六有活動或下班時間要離開時內外都會大塞車,小臣試過由 B4 出來要半小時 [影片(入)影片(出)]!

牛頭角 / 觀塘 – 一定是 APM 最佳,$18/hr,優惠很易取得,不過星期五晚及星期六、日經常爆滿。另外同系創紀之城一期及二/三期亦不錯 ($20/hr),但不要泊六期,除非你有興趣挑戰上車架。牛頭角裕民中心 ($25/hr / $28/hr) 環境差又要留匙的爛場,收費不合理地貴,帝豪經營的場大家記得避之則吉,寧願泊創紀二期再經行人橋過來好過 [影片(入)影片(出)]。

  

Landmark East 也甚寬敞,每半小時 $11 [影片(入)影片(出)]。新場 One Pacific Centre (OPC) 在 APM 毗鄰,半小時 $8,不過只有少數食肆提供泊車優惠 [影片(入)影片(出)]。觀塘廣場 ($21/hr) 要繞路進去,不算最方便,但以舊場來說,車道及車位都算寬闊 [影片(入)影片(出)]。近觀塘碼頭有宏利金融中心(未知價錢,因為吃飯免三小時),斜道略窄,車位寬敞又充裕,不俗 [影片(入)影片(出)]。敬業街皇廷廣場 $25,夜泊 (19:00-08:00) 只收 $50,通道及車位均非常闊落,華嫂冰室就在樓下 [影片(入)影片(出)]。牛頭角地鐵站直出的海傍則泊過九倉電訊廣場 ($12/hr),算易泊 [影片(入)影片(出)](改建中)。啟德郵輪碼頭偶爾去閒逛一次也可以,停車場 $10/ hr / $15/hr [影片(入)影片(出)]。

油塘 – 商場大本型的停車場又新又大 ($14/hr / $16/hr),消費每一百元可免費泊一小時,六日則要雙倍,最多兩小時(優惠經常更改,請參考它的網貢) [影片(入)影片(出)]。

將軍澳 – 以前不常來的地方,Popcorn 旁兩家酒店 (酒店有代客泊車,不要泊商場) 有些可以一試的食肆,商場車場不錯,只是入口指示混亂一點 ($16/hr, $18/hr) [影片(入)影片(出)]。坑口首選東港城 ($13/hr / $16/hr) [影片(入)影片(出)]。另外網友推薦寶琳站附近除新都城一二三期停車場外,還有毓雅里及慧安園有時租,另外可泊英明苑 (時租較少, 五六日經常爆),或者寶琳邨 (大量車位),此兩車場都是領匯車場,有12/24小時泊。

新界區

荃灣 – 網友推介荃灣廣場 ($13/hr / $20/hr),不過據說在星期六、日都很易泊滿。海濱花園的停車場泊過一次 ($16/hr / $17/hr),頗殘舊 [影片(入)影片(出)]。悅來酒店的停車場反而比想像中新及易泊,$15/hr / $18/hr愉景新城 ($12/hr / $16/hr),之前商場內的指示很差,要找回停車場電梯大堂相當困難,經裝修後稍有改善 [影片(入)影片(出)]。荃新天地 ($13/hr / $20/hr) 商場很大,但車位不多,星期天要輪候,不過新場很闊落 [影片(入)影片(出)]。去三坡坊那邊可泊寶石大廈 ($17/hr),闊落又易泊 [影片(入)影片(出)]。

  

青衣 – 機鐵站停車場 ($14/hr) 假日泊車比青衣城更便宜,出入東涌綫車站後,更有優惠 ($9/hr)

  

小卡的姊姊住在宏福花園,經常泊在那裡 ($16/hr),停車場的上下斜道很難轉,牆身滿佈簽名,不過練習得多,現在也可一手搞定 [影片(入)、影片(出)]。

西貢 – 另一個令人頭痛的地區,假日無論是政府合署 ($22/hr / $34/hr)、西貢苑 ($15 / $17 半小時) [影片(入)影片(出)西貢花園 ($30/hr / $34/hr) 或街邊位都必定爆滿,少一點耐性也不行。其實去海傍吃海鮮的話,可泊在翠塘村口的城市娛樂中心平日 $11/hr,星期六日 $20/hr新公司接手後,瘋狂加至 $26/hr / $30/hr),或翠塘花園本身的停車場 ($15/hr / $20/hr),步行去海傍只是十分鐘左右 [影片(入)影片(出)]。假日要日泊的話,只有沙角美的爛地場 (日泊 $60 / $110),由碼頭行去大約七分鐘 [影片(入)影片(出)]。近碼頭一點的還有滘西洲多層停車場(收費分上層/下層及打球及不打球之分,下午三時不打球又可泊下層,相當複雜,請按此自行查閱)[影片(入)影片(出)]。

大圍 – 富嘉花園 ($15/hr / $19/hr) 被人過份吹噓,其實不是那麼差,只是頭兩層上斜道時要扭多一手而已,出車更是沒難度,比起三大地獄場好得多 [影片(入)影片(出)],不泊這裡的話,市中心的街邊位假日一「位」難求。有網友推薦在福泰里海福花園旁的露天停車場,有機會試試。亦有推薦美林商場 ($17/hr / $19/hr),去強記也算方便。去顯徑附近吃飯的話,可泊在嘉徑苑,地面有蓋,$15/hr,好過泊爛地場 [影片(入)影片(出)]。

沙田 – 選擇甚多,有新城市廣場一期 ($16/hr / $22/hr) [影片(入)影片(出)]希爾頓中心 ($16/hr / $22/hr) [影片(入)影片(出)],沙田中心 ($16/hr / $22/hr) [影片(入)影片(出)],好運中心 ($14/hr / $18/hr) [影片(入)影片(出)] 或是最闊落但最貴的沙田廣場 ($9 / $12 半小時) [影片(入)] (網友說沙田廣場已停時租)。如果去帝都酒店吃東西,當然是泊他們的停車場 ($22/hr / $26/hr),泊車優惠不難取得,不過上落斜道頗窄 [影片(入)影片(出) ]。第一城的停車場比想像中大,除了出入口略窄外,非常輕鬆 ($20/hr / $22/hr) 。

  

禾輋商場樓底低 ($17/hr / $20/hr),車位又窄,不過要去那邊的話,也沒有其他選擇 [影片(入)影片(出)]。到火炭工業區可泊在沙田商業中心 ($21/hr 星期一至六, $12/hr 星期日),附近大排檔只是步行距離 [影片(入)影片(出)]。

馬鞍山 – 比較少來這邊,只泊過馬鞍山中心 ($13/h / $18/hr),去馬鞍山中央公園很方便,車位很闊落,只是上一樓的斜道設計很差,彎急又斜 [影片(入)影片(出)]。對面的新港城 ($10 / $12 半小時) 收費貴得多,如非在那裡消費,沒必要泊在那裡 [影片(入)影片(出)]。另外網友介紹去馬鞍山單車公園 (錦泰苑旁) 可泊爛地停車場 ($8/hr / $10/hr),對面富安花園則$12/hr。

大埔 – 新達廣場 ($15/hr) 算是方便易泊 [影片(入)影片(出)]。去大埔墟一帶則會泊在廣福道兩旁支路的街邊位,但要苦候。綜合大樓(即街市)其實也不錯,便宜(首兩小時 $11 / $13 半小時,之後 $16.5 / $19.5 半小時)又易泊,只是假日很多人等候,這天我也輪候了十五分鐘。至於科學園,小臣只泊過二期,通道及車位都均闊落,$12/hr,消費二百/四百有二/四小時免費泊車,有時都會由沙田來吃中飯 [影片(入)影片(出)]。廣福邨 ($15/hr / $16/hr) 典型屋邨車場,車位頗窄 [影片(入)影片(出)]。太和那邊都是泊翠林閣 ($15/hr / $17/hr),尚算闊落,不過出入翠樂街的車很多 [影片(入)影片(出)],有網友泊過太和商場 ($16/hr),設有A/B兩場,互不相通,要兜大圈才可離開,而且出口斜道極狹窄,兼成90度角,所有車不論大小都要先偷位逆線才扭得上斜道。

粉嶺 – 以前去群記吃豬手米通常都泊在聯和墟的爛地場 (已收回),有日發現原來御庭軒亦很方便,而且收費也差不多 ($16/hr, $19/hr) [影片(入)影片(出)]。論方便海聯廣場 ($12/hr / $14/hr) 當然最佳,不過星期日一定要輪候,看你有沒有耐性 [影片(入)影片(出)]。

上水 – 新都廣場 ($18/hr / $21/hr) 地點方便,不過往下層地庫的斜道甚窄,但也不算太難。

  

上水廣場 ($18/hr / $21/hr) 入口混亂,車道不合理地窄,尤其是 B2 落 B3,難怪佈滿簽名 [影片(入)、影片(出)]。

屯門 – 市內其實不常去,反而經常到在三聖的容龍別墅飲茶,價錢平又有免費泊車,車場十分闊落 [影片(入)影片(出)]。去三聖邨的話,網友推薦青山灣泳灘停車場 (首二小時: $10 / $15 半小時, 其後: $15 / $22.5 半小時),小臣則泊過超便宜的恆福花園停車場 ($8/hr / $15/hr),不過當然要多走幾步。屯門市則泊過華都商場 ($15/hr / $18/hr),不算太差 [影片(入)影片(出)],但假日常滿。新場 V-City 設計有點奇怪,和屯門站停車場出入口同一地方,不知是泊進了那裡 ($16/hr / $22/hr) [影片(入)影片(出)]。安定邨 ($14/hr) 在領展接手後,成為區內焦點商場H.A.N.D.S,連停車場也翻新了[影片(入)影片(出)]。

元朗 – 以前去爽爽吃醉雞通常會泊在牧田東路的爤地場,不過最近居然搞最低消費兩小時,搶錢。後來轉泊交通廣場 ($20/hr / $26/hr) [影片(入)影片(出)],但當 Yoho Mall 的停車場 ($15/hr / $18/hr) 開業後,一定泊這裡,又大又新又便宜 [影片(入)影片(出)]。去大榮華那邊可泊萬金中心 ($19/hr / $22/hr, 晚上六時後 $14/hr),十多層樓高的停車場大廈,不過每層只有很少位,一般都要爬上九至十樓可有位 [影片(入)影片(出)]。另外因為去豬小姐吃豬什粉,找到了水邊圍邨的停車場,$11/hr 有蓋,比泊街好得多(注意,水邊圍邨的停車場有兩個入口,我泊這邊是由水邊圍路進入,比較多位,另一邊由媽廟路入的,是露天位,且比較少,很奇怪地兩邊是不相通的 。

去大橋街市買東西的話,可泊在對面的元朗好順福大廈 ($22/hr / $26/hr) [影片(入)影片(出)]。另外近千色廣場附近有富盛大廈 ($22/hr / $26/hr) [影片(入)影片(出)] 及對面的好順泰大廈 ($22/hr / $26/hr) [影片(入)影片(出)]。

天水圍 – 只在濕地公園泊過,$8/hr [影片(入)影片(出)]。

要找泊車資訊的話,好像沒有一個全面的網頁,通常小臣用以下幾個:

Parkhaus
ParkCarPark
Shop & Park
Kapark
Outstreet
Parkopedia
Wilson Parking
帝豪停車場 (只有英文及最新接管車場的資料)
敏記停車場
領匯停車場
越秀亞通停車場
第一車網泊車優惠


另外有個討論區題目,列出「最易出事的停車場」,大家不妨看看有沒有同感。另外也可看看生果報這篇挑戰三大地獄車場(佐敦德興街寶來大廈、深水埗美居中心、西環均益大廈三期)。

這裡有個萬事得8的車主討論,列出七人車的車場考慮,大家亦可參考。

我的電腦
我的駕車小心得

303 Comments

  1. 回覆
    stone 2012 年 07 月 16 日

    多謝小臣資料, 我自己就最怕係港島區(銅鑼灣除外)泊車, 一來唔熟路, 二來覺得可泊車既地方好少! 所以一諗起要去港島區就頭痕囉^^"
    版主回覆:(07/14/2012 10:27:45 AM)
    那麼銅鑼灣你會泊那裡?

  2. 回覆
    訪客 2012 年 07 月 16 日

    in CWB, Times Square parking is ok (spend $200 get you 3 hrs free in weekday).
    版主回覆:(07/16/2012 10:15:22 AM)
    不過很怕駛入時代廣場一帶,超塞車.

  3. 回覆
    度爸 2012 年 07 月 16 日

    謝謝詳盡資料,但度爸需為駕車族,一向很少開車到市區,泊車很煩!尤其港島,所以我只出沒於新界及九龍城等,旺角會泊標位。
    版主回覆:(07/16/2012 10:16:00 AM)
    小臣下班後吃完晚飯才回家,所以一定要駕車去吃飯的地方,沒辦法.

  4. 回覆
    stone 2012 年 07 月 17 日

    我只可泊時代廣場, 因為車高, 其他停車場入唔到呢…唔知小臣知唔知銅鑼灣有冇其他車場可入(高度1.95)呢?
    版主回覆:(07/16/2012 10:17:08 AM)
    哦,原來是高身七人車,你看看這個map幫不幫到你:
    http://maps.google.com.hk/maps/ms?msid=205662568447556950542.0004a81f2fc75f3b2d8b8&msa=0&ll=22.315778,114.182968&spn=0.185801,0.338173
    不過這是Serena(車身高1865mm),你的車1950(是Alphard嗎)還要高三吋,有點難度…

  5. 回覆
    blac 2012 年 07 月 17 日

    太利害吧, 寫得超詳盡…….uncle Jason的駕車技術已泊得住馬交車手了……起碼b女很喜歡在車上睡呢….
    版主回覆:(07/17/2012 07:30:00 AM)
    花了兩晚才寫好…
    我點同馬交車神比呀? 太抬舉我了吧!

  6. 回覆
    訪客 2012 年 07 月 17 日

    http://en.parkopedia.hk/parking/hong_kong/
    版主回覆:(07/17/2012 07:23:03 AM)
    多謝,這個也不錯,如果可以覆蓋多些區域就更佳.

  7. 回覆
    stone 2012 年 07 月 18 日

    小臣, 真聰明哦, 係Alphard! 呢隻車早3,4年前泊車仲麻煩, 呢兩年都已經好D啦! 見部份停車場都可以將車場高度調高至1.95. 但係銅鑼灣既選擇只得Time Square…..激死! 多謝你個google list呀! 等我睇吓有冇得set Alphard先…..Thanks~~
    版主回覆:(07/17/2012 02:16:40 PM)
    好像只有銅鑼灣廣場是2m.

  8. 回覆
    Koala 2012 年 07 月 21 日

    很多好介紹!感謝你
    版主回覆:(07/18/2012 05:17:12 AM)
    不用客氣,留給自己參考也好.

  9. 回覆
    訪客 2012 年 07 月 29 日

    尖東更係泊東海啦!!
    $16/hrs
    版主回覆:(07/22/2012 12:28:39 AM)
    你說的是新東海吧?東海好像不設時租。新東海在尖東邊緣,方便與否要看你去那裡。

  10. 回覆
    訪客 2012 年 09 月 13 日

    灣仔集成 $20,最抵!
    版主回覆:(07/29/2012 08:21:46 AM)
    真是$20那麼便宜?下次試試.

  11. 回覆
    訪客 2012 年 09 月 17 日

    旺角柏裕中心已在2011年12月1日加至$8/15mins。
    版主回覆:(09/14/2012 02:07:02 PM)
    Thanks.

  12. 回覆
    乃津 2012 年 09 月 25 日

    你個cam幾清 乜牌子 可以介紹嗎?
    版主回覆:(09/17/2012 02:49:39 PM)
    是台灣的 Vico-DS2,不知香港是否有售,我是從PC Home 訂回來的.

  13. 回覆
    訪客 2012 年 09 月 26 日

    夏愨花園已加至每小時$26。
    版主回覆:(10/06/2012 09:08:43 AM)
    Thanks, updated.

  14. 回覆
    訪客 2013 年 01 月 03 日

    深水埗最企理的可泊西九龍隔黎的長沙灣政府合署, 但比西九龍貴。
    要便宜的可泊西九龍背後的怡靖苑停車場, 但假日長期爆滿。
    版主回覆:(10/06/2012 09:09:42 AM)
    政府合署好像是星期六、日才可泊,是嗎?

  15. 回覆
    訪客 2013 年 01 月 06 日

    Pchome 訂vico要填身份證我入了但話錯,請問有甚麼方法解決
    版主回覆:(01/03/2013 03:02:11 PM)
    是不是因為你沒有開戶口?剛才我登入後試買,也不用輸入身分證.
    如果真是搞不到,也可以試試"產生"一個: http://people.debian.org/~paulliu/ROCid.html

  16. 回覆
    訪客 2013 年 01 月 07 日

    請問你是否用pchome全球購物,我用了你比既link過到身份證又輪到mobile話不對,你是否用pchome買,我見要用台灣資料,可否指教點買到,thx
    版主回覆:(01/06/2013 02:03:36 PM)
    是用全球購物,sorry,上面忘了提你.

  17. 回覆
    訪客 2013 年 01 月 07 日

    開戶口系邊樹開同埋我糸用信用咭找數,你是否用其他方法?thx
    版主回覆:(01/07/2013 02:06:24 PM)
    我是用paypal結帳的.

  18. 回覆
    訪客 2013 年 01 月 08 日

    thx Jason, I use paypal ok la.
    版主回覆:(01/07/2013 02:02:38 PM)
    搞到就最好啦.

  19. 回覆
    訪客 2013 年 02 月 22 日

    長沙灣政府合署平日亦可泊, 但辦公時間 (閒日1900前) 要 $14 per 30mins。閒日1900後 $10 per hr。
    版主回覆:(01/09/2013 12:54:58 AM)
    Thanks,已加資料!

  20. 回覆
    Katie 2013 年 05 月 05 日

    Wow!!! Thanks so much for the detailed information! I just got rid of my P licence recently and would reli like to try driving to different corners in HK! Your page helps me solve all the parking problems! LIKE & THANKS! ^.^
    版主回覆:(02/23/2013 10:53:45 AM)
    有用就好,我自己經常找停車場資料,但都少找到全面的,所以做了這個方便大家。

  21. 回覆
    Katie 2013 年 05 月 06 日

    Hello. Your car camera is with very good quality!!! May I know which brand, mode & where to buy please? Thanks so so much! 😉

  22. 回覆
    Katie 2013 年 05 月 06 日

    Sorry. Didn’t read the previous messages earlier. I got the camera on PC Home~ thanks again! 🙂
    版主回覆:(05/05/2013 12:01:31 PM)
    找到就好了,希望你很快收到貨.

  23. 回覆
    ol 2013 年 05 月 11 日

    thanks for your sharing:)
    it is very useful for new drivers especially for ladies.
    版主回覆:(05/06/2013 01:36:29 PM)
    有用就好啦. 慢慢揸呀! ^^

  24. 回覆
    DC 2013 年 05 月 12 日

    不說太多, 純支持, 超有用~~
    泊第一城可以試下泊愉翠, 冇記錯$9/hr, 當然睇就唔就腳喇~~
    版主回覆:(05/11/2013 10:11:33 AM)
    好的,上次駕車也經過了愉翠,感覺不是太遠,有機會試下.

  25. 回覆
    GS 2013 年 05 月 14 日

    Thanks for your sharing.
    有個新場想介紹比你, 去megabox 除左泊exchange tower, 都可以泊佢對面一號九龍
    又大又好泊
    exchange tower weekends加左價要$15, 一號九龍都係$12, 泊5小時free 2小時
    版主回覆:(05/12/2013 02:41:33 PM)
    多謝資料,已更新,下次試下一號九龍.

  26. 回覆
    GS 2013 年 05 月 17 日

    hi, 想更正你的資料, 荃灣海濱花園現在是$12 一小時
    另外西貢翠塘花園個停車場都是$12了…
    版主回覆:(05/15/2013 12:12:00 PM)
    Thanks. Updated. Please let me know in future as I may not visit some of these carparks very often.

    • 回覆
      小臣 2013 年 10 月 01 日

      昨晚再泊過翠塘城市娛樂中心,是平日$11/hr,星期六日$20/hr.

  27. 回覆
    Boris 2013 年 05 月 19 日

    很感謝你分享影片,作為新車主的我幫助很大,可以預先觀察溫習一番,然後去到停車場便無有怕!希望你最終可以泊晒全港停車場!
    版主回覆:(05/18/2013 03:01:44 AM)
    哈哈,點可能泊得哂!不過四圍搵食,所以覆蓋率都算高而已。

  28. 回覆
    LK 2013 年 05 月 26 日

    無意中尋找到你的分享,眞是欣賞和感激!會介紹給其他親友。
    版主回覆:(05/19/2013 06:37:01 PM)
    有用就最好啦。

  29. 回覆
    殭屍 2013 年 05 月 27 日

    多謝你的分享,我星期日去過大本型,我之前都唔知有呢個場,我的小朋友都好開心。又多一個好去處。如果有更多適合小朋友去既地方就好啦。有時放假唸同佢地去邊,唸到頭都大埋。
    版主回覆:(05/28/2013 08:33:12 PM)
    通常新場都會用這些招數吸客,一旦人多去的時候,就會減優惠及加停車場收費。

  30. 回覆
    訪客 2013 年 06 月 09 日

    Amazing blog…great info. Many thanks
    版主回覆:(05/28/2013 08:35:26 PM)
    Thanks. Do come more often.

    • 回覆
      Otoko77 2013 年 09 月 28 日

      最近超愛泊大本型,上面有Jplus同奇趣天地,啱小朋友啦。

      • 回覆
        小臣 2013 年 09 月 28 日

        昨晚去也很多人,七時半只剩廿個位左右……

  31. 回覆
    James 2013 年 06 月 12 日

    觀塘的話觀塘廣場是老牌的好泊停車場,有$90全日泊
    版主回覆:(06/09/2013 08:20:19 AM)
    觀塘廣場反而未試過,下次試下.

  32. 回覆
    KS 2013 年 06 月 15 日

    thanks x 1million times!
    very useful to me … a holiday driver!
    support you to update continuously!!!
    版主回覆:(06/12/2013 02:28:40 AM)
    會一直更新,多謝支持.

  33. 回覆
    Jerry 2013 年 07 月 15 日

    超有用,尤其是對於我呢d新手
    Thanks a kot
    版主回覆:(06/16/2013 12:59:23 AM)
    大家分享,多謝支持.

  34. 回覆
    Jerry 2013 年 07 月 15 日

    另外南昌可泊富昌邨
    $40 日泊超抵又易泊,行過對面就南昌站
    版主回覆:(07/17/2013 12:06:16 AM)
    收到,多謝資料.

  35. 回覆
    Conrad 2013 年 07 月 17 日

    Thank’s for your blog, first time go MK this week, will follow your guide!
    版主回覆:(07/17/2013 12:06:41 AM)
    Thanks. Hope this helps.

  36. 回覆
    Conrad 2013 年 07 月 20 日

    請問油麻地多層停車場個地址係?
    版主回覆:(07/17/2013 01:31:17 PM)
    上海街250號. 由上海街入甘肅街再入廟街.
    https://www.google.com.hk/maps/preview#!data=!1m4!1m3!1d1078!2d114.1705013!3d22.3088478

  37. 回覆
    AnthChan 2013 年 08 月 17 日

    你知吾知道你個 blog 同 youtube 幫左吾少我地呢 D 開車族?!
    非常感激!!

    By the way, 你個 car cam 好清, 邊個牌子 model 呀?

    • 回覆
      小臣 2013 年 08 月 17 日

      不用客氣.小臣在港駕車之初,就不斷上網找停車場資料,偶然看法有人把cam片放上網,但始終數量不多,於是就自己來動手,自己出街找資料也方便.

      Car Cam 是台灣的 Vico-DS2,在 PC-home 網站訂回來的.

  38. 回覆
    alex 2013 年 09 月 11 日

    小弟係新手
    之前去灣仔會展 貪平入左去越秀大廈
    一入到去下面死啦要搭LIFT
    不過最後都冇問題 都算容易

    info: $9 半個鐘
    駱克道西行

    • 回覆
      小臣 2013 年 09 月 11 日

      多謝資料,已加在上文.

  39. 回覆
    KS 2013 年 10 月 15 日

    請問有冇北角國都商場影片?謝謝!

    • 回覆
      小臣 2013 年 10 月 31 日

      昨天(30/10/13)終於泊過國都,請回上文參考.

  40. 回覆
    Luke 2013 年 10 月 17 日

    Very clear and helpful details and videos. Thanks.

    What dashboard device do you use to capture these videos? Would you mind posting a link to it? Thanks again!

  41. 回覆
    Luke 2013 年 10 月 20 日

    Thanks!

    Where did you buy your Vico from?

    • 回覆
      小臣 2013 年 10 月 21 日

      From PC home, a Taiwanese website. Could you browse the messages above as I discussed this with another webmate on how to get it.

  42. 回覆
    Luke 2013 年 10 月 20 日

    Is the Vico easy to install?

    Thanks again.

    • 回覆
      小臣 2013 年 10 月 21 日

      Stick on the windscreen and plug it in the cigarette plug! Won’t take more than 5 mins. If you want to hide the cable then it take another 5 mins.

  43. 回覆
    Luke 2013 年 10 月 21 日

    Great! Many thanks. Homework time for me.

    Look forward to watching more of your car park videos.

  44. 回覆
    lee 2013 年 12 月 04 日

    北角國都商場現在多少一個鈡?有冇八达通

    • 回覆
      小臣 2013 年 12 月 04 日

      上面正文有寫:$23/hr,不設八達通,要上二樓繳費付現.

  45. 回覆
    Kevin 2013 年 12 月 04 日

    多謝版主小臣,資料超實用,支持~支持~
    順祝版主及各車主安全駕駛~路路暢通~

    • 回覆
      小臣 2013 年 12 月 04 日

      多謝支持,有時自己都要上來找資料^^

  46. 回覆
    Alfred 2014 年 03 月 19 日

    多謝小臣版主的資料,很實用。
    另外最近小弟泊過以下停車場,版主可考慮:

    1)葵興九龍貿易中心, 大連排道 ﹣ 新場,企理,唯一是出口落車道略窄,不熟悉的話可能要回多手軑。$15/hr
    2)葵興葵星中心,和宜合道近青山公路 ﹣ 舊場但比想像中易泊,$13/hr
    3) 觀塘創紀之城一期 ﹣ 比2,3期停車場好,企理易泊,$15/hr

    • 回覆
      小臣 2014 年 03 月 20 日

      多謝資料,小臣正是希望讀友多多交流.

      葵興偶然也會去,有機會試試你介紹的兩個場.

      創紀之城一期比二/三期好好多,上次上去後者,要上升降架,嚇餐死!

  47. 回覆
    Haile 2014 年 03 月 27 日

    P牌至今揸車巳3年,因技術麻麻及揸的是4.9米MPV;一般道路小心點駛慢點還可應付, 但 泊車/停車場 對我這種P牌揸大車的有好大心裡壓力! 每揸去新地點,總要事前查下Google點去,附近有冇泊車/停車場啱大車. 上網搵停車場資料,搵到版主個blog! 邊區泊邊個場,埸費幾多,有冇優惠,車道/車位闊窄,易唔易泊;全部有齊兼有片睇,真係幫到好多! 感謝版主大方分享!

    回饋時候,分享以下 :
    太子 – 新世紀廣場3月4日起巳調高免泊優惠至$200免1小時/$400免兩小時(如$100用於食肆額外免1小時)即最多3小時! 無以前咁抵泊! http://www.grandcenturyplace.com.hk/html/parking1.html
    旺角 – 柏裕中心 時租調高至 $10/15分鐘; 但1月1日起免泊優惠調低至$300兩小時,比起以前$500兩小時,抵泊好多!
    大圍 – 如去強記/蜆殼油站附近,街位難等,可試試美林商場! 一馬路之隔,$14/小時,免泊優惠$100/1小時! 美田路巴士站入口,一般領匯場不難泊,時租在3樓!

    • 回覆
      小臣 2014 年 03 月 27 日

      MPV 真的好大壓力,我都揸過所以有同感。多謝資料,旅行回來會update.

  48. 回覆
    訪客 2014 年 05 月 25 日

    請問長沙灣廣場有什么泊車優惠?thanks

    • 回覆
      小臣 2014 年 05 月 25 日

      Sorry,不知道! 上次第一次泊,”嘟”卡入,不知道要取票,之後在潮濠城吃完飯,經理說要有入場票才可辦泊車優惠,所以拿不到.

  49. 回覆
    KS 2014 年 05 月 28 日

    HI Jason, have you tried 北角中心? (near fortress hill MTR station) Thanks.

    • 回覆
      小臣 2014 年 05 月 29 日

      未試過,據聞頗窄. 早幾天去北角本來打算泊華懋交易廣場二期,不過滿座,沒想起這裡還有場,結果泊了國都.

  50. 回覆
    JC 2014 年 06 月 09 日

    十分詳盡的泊車指南, 感謝版主, 對於新手如我十分有用, 往往最怕不知道在哪裡停車, 以後開車前先看看你的指南, 也比較放心了.
    另外, 回饋一下, 最近我在九龍灣也泊過九龍灣國際展貿中心, 到月底前都可憑戲票有四小時免費泊車優惠, 易泊方便, 不過附近食肆選擇不多

    • 回覆
      小臣 2014 年 06 月 09 日

      JC,不用客氣,自己每天開車,知道這些資料的重要性.

      九展其實經常去(公司很多 communication meeting 都在那裡開),不過每次都忘記上傳影片,下次一定會辦.

  51. 回覆
    訪客 2014 年 06 月 10 日

    HSBC Centre
    1 Shum Mong Road, Tai Kok Tsui
    Phone 2269-0690

    Updated price
    Hourly (per hour)
    Mon-Fri (Excl.PH) $16
    Sat/Sun/PH $14

    • 回覆
      小臣 2014 年 06 月 11 日

      Thanks. Updated.

  52. 回覆
    Irene 2014 年 06 月 13 日

    Thanks. This is very useful. 我聽日想挑戰好兆年行,有點驚。。

    承上面reply, HSBC Centre 及 奧海一期日泊8am to 8pm 都係$120..奧海一期如果係信和之友有9折

    • 回覆
      小臣 2014 年 06 月 14 日

      好兆年行只是上下斜道彎位較窄,不算太差,慢駛即可.

      • 回覆
        Jonathan 2015 年 04 月 13 日

        好兆年行只要留意出閘後第一彎位, 識偷位過就無大問題

  53. 回覆
    Rebecca 2014 年 07 月 07 日

    請問灣仔英皇集團中心 好唔好泊呀

    • 回覆
      小臣 2014 年 07 月 07 日

      Sorry,沒泊過.

  54. 回覆
    訪客 2014 年 07 月 14 日

    美孚曼克頓山對面有爛地, 10蚊一個鐘, 另九巴美孚大廈都有14蚊一個鐘 (wilson), 應冇百老匯街咁難泊

    • 回覆
      小臣 2014 年 07 月 14 日

      多謝資料。

  55. 回覆
    訪客 2014 年 07 月 14 日

    除美孚資料外, 大埔海濱公園可泊於大發街的爛地, 10蚊一個鐘

    • 回覆
      小臣 2014 年 07 月 14 日

      多謝資料。不過較少去那邊。

  56. 回覆
    訪客 2014 年 08 月 06 日

    版主的停車場資訊頗齊全,受益良多, 最起碼地, 對我呢D技術水皮的人士便是, 如版主有機會泊過以下車場, 能否提供影片? THANKS

    1) 香港仔中心
    2) 金豐大廈
    3) 深水埗金必多大廈
    4) 柴灣區的停車場, 如翠灣邨/環翠邨
    5) 三聖邨
    6) 粉嶺中心二樓
    7) 粉嶺名都

    • 回覆
      小臣 2014 年 08 月 06 日

      有影片的話,一定會貼出來. 你提到的停車場:

      1. 香港仔中心算易泊,不過很久沒去,當時又未有裝 cam,所以沒有片.不過假日一早便爆滿,想排隊也未必排到.
      2. 之前泊金豐時也是未裝cam,上落 ramp 比較窄,有對頭車不能同時通過,不過全香港有很多停車場都是這樣,最緊要慢及看魚眼鏡.最不好是時租要泊天台,除了夏天曝曬外,也要上足四五層才泊到位.
      3. 金必多大廈未泊過,據說只是出入 ramp 比較窄.
      4. 只泊過新翠花園及康翠臺,兩個都可以.
      5. 三聖邨吃海鮮那裡?泊在街邊不就是了?
      6.7. 粉嶺只會去聯和墟那邊,不會到火車站附近,所以兩個都未泊過.

  57. 回覆
    訪客 2014 年 08 月 08 日

    其實我頗為佩服小臣師兄, 對於轉上單線車道的技巧, 因為一轉上去, 左車頭和牆身好似會撞埋去咁樣, 但係師兄差不多次次都夠位.

    其實轉上呢類的單線90度斜度, 有無乜野特別技巧? 我自己就比如轉右上單線斜道, 就儘量將架車偏向左多D, 然後到司機位到左通道膊位時, 就拖慢架車, 大手90度扭軚慢慢咁唧住去, 托賴用呢招仲未出過事, 但係有時望番側鏡, 真係好鬼炆水, 尤其係上/落斜, 唔開窗望出去, 睇側鏡根本係無用, 所以極希一D偷位的技巧, 謝謝

    因為對機械的認知度不高, 所以喺P牌於樂華邨HI過一次側門之後, 只係好單純咁偷大個半徑去轉彎, 仲想學多一D偷位的技巧.THX

    • 回覆
      小臣 2014 年 08 月 08 日

      這是師傅教的偷位的技巧. 如你所說,要儘量偏左,另外在臨轉之前要把軚向反方向扭,依你這個例子就是扭左,侍車頭略為偏左才向右扭,如是者車輛就有超過九十度的空間去入九十度彎,大部分情況都可以一手轉入,真的不夠位可以再反軚後退少許,再上就可以. 你可以看看我上富嘉花園那條片.
      https://www.youtube.com/watch?v=oybkO54BwzQ

      • 回覆
        訪客 2014 年 08 月 08 日

        相當實用的技巧, 我會試試, 不過我真的無膽量, 去這些偏窄的車場, 好像做多一分位出來, 便是益了駕駛人士一樣, 有時遇到呢d單線道時, 後面又有車跟住, 真係好鬼淆底, 有1-2次因為無信心, 我直頭靠埋一邊, 睇下人地點樣轉, 到d車清哂場後, 自己先敢去轉, 但又比我1-2手轉到, 可能真係信心有d問題

        • 回覆
          小臣 2014 年 08 月 08 日

          這些廿年前以上建的車場,都是以細車為設計.近廿年的車越來越長及越來越闊,所以就覺得有問題. 好像我的萬事得6, 1.78m x 4.77m, 真的很大部.

          起初我都沒有信心,亦試過”簽名留念”. 不過試多了就沒問題,最緊要慢及不要”夾硬來”,後面砵都係咁話.

          香港除了三大地獄: 佐敦德興街、西環均益二期及深水埗美居中心之外, 其實大部分車場都不算太差. 就是大家都話難的富嘉花園,只不過扭多一手上 ramp,出就更是沒有難度可言. 只有多點信心及多練習的話,就沒有問題的.

  58. 回覆
    訪客 2014 年 08 月 09 日

    旺角栢裕而家變左36一個鐘
    廣發同百利達閒日就12半個鐘

    • 回覆
      小臣 2014 年 08 月 09 日

      咦,上次行過見到栢裕已加至 $10 十五分鐘,即是四十元一個鐘了. 你的資料是什麼時候的?

      廣發及百利達資料已更新,thanks.

      • 回覆
        訪客 2014 年 08 月 10 日

        上個禮拜泊過
        再唔係十五分鐘咁計喇
        一小時零一分都當兩個鐘
        同埋夜晚十一點後朝早有點前好似會平啲

        • 回覆
          小臣 2014 年 08 月 10 日

          是嗎?要 Update 資料了! Thanks.

  59. 回覆
    Alfred 2014 年 11 月 17 日

    小臣版主,剛剛星期日泊過禾輋廣場,樓底是矮但位也很窄啊!我也幾乎落唔到車!
    另外星期六晚也泊過紅磡海濱廣場,收費只是$14/hr。另外在黃埔消費的泊車優惠也適用,又唔洗大排長龍,我都係見黃埔其他場排哂長龍先泊過去,唔錯喎!

    • 回覆
      小臣 2014 年 11 月 17 日

      禾輋我只泊過一次,我以為是鄰車泊得衰才下不了車,原來其他位也一樣!

      紅磡海濱廣場我上次泊是 $28/hr 喎! 原來黃埔消費的泊車優惠也適用! 下次再試.多謝資料.

  60. 回覆
    Alfred 2014 年 12 月 01 日

    版主,去尖東的話可以考慮泊理工大學,平日下午5點後和假日就$15/hr;其餘時間就$40/hr。
    另外剛剛週末泊過尖東新文華中心;車位闊度都算ok,只是通道比較窄,大車出入就要小心。還有就是車場和行人出入口比較暗和污漕

    • 回覆
      小臣 2014 年 12 月 01 日

      謝謝 Alfred, 如果 $15/hr 理大都是不錯的選擇. 新文華我未入過去, 不過從外面看都覺它陰暗.

  61. 回覆
    yuentinlong 2014 年 12 月 18 日

    多謝 師兄分享 咁岩上網搵停車埸就見到你個 BLOG , 真係有心人 , 加油1

    • 回覆
      小臣 2014 年 12 月 18 日

      不用客氣, 有用就好.

  62. 回覆
    James 2015 年 01 月 05 日

    1月4日晚上去觀塘帝盛酒店飲喜酒,車泊在敬業街皇廷廣場,夜泊(好像是19:00-08:00)只收$35,通道及車位均非常闊落!

    • 回覆
      小臣 2015 年 01 月 05 日

      Thanks for the info.

    • 回覆
      James 2015 年 01 月 24 日

      盈暉臺(瑪嘉烈醫院附近)時租 $14,車位闊落易泊!

      • 回覆
        小臣 2015 年 01 月 24 日

        Thanks. 不過很少會去那邊.

    • 回覆
      James 2015 年 02 月 01 日

      小臣,科學園泊車優惠已更改,要消費 $200 才可取得優惠
      參考︰http://www.hkstp.org/en-US/media-file/p-and-c/facilities/hong-kong-science-park/transportation/Parking-Promotion.aspx

      • 回覆
        小臣 2015 年 02 月 01 日

        Thanks!

  63. 回覆
    Marco 2015 年 01 月 06 日

    Very useful Blog! keep going!

  64. 回覆
    Edward 2015 年 02 月 02 日

    海濱廣場及各期時租停車場星期一至五下午6時至午夜12時,消費滿$200或以上或持有4張即日嘉禾黃埔戲票,有2小時免費泊車
    海濱廣場及各期時租停車場星期六、日及公眾假期全日(8期螢幕圈 / 黃埔美食坊除外),消費滿$300或以上或持有6張即日嘉禾黃埔戲票 有3小時免費泊車

    黃埔新天地. 星期一至五:每小時$16, 星期六、日及公眾假期: 每小時$20

    • 回覆
      小臣 2015 年 02 月 02 日

      多謝詳細資料.

  65. 回覆
    Jo 2015 年 02 月 13 日

    多謝網主的詳細介紹, 得益不少, 謝!

    • 回覆
      小臣 2015 年 02 月 14 日

      Thanks for coming. Hope this is useful.

  66. 回覆
    aken 2015 年 03 月 22 日

    港灣豪庭已改為$9/$11半小時 (平日/周未假日),謝謝

    • 回覆
      小臣 2015 年 03 月 22 日

      Thanks. Updated.

  67. 回覆
    lx3h 2015 年 03 月 23 日

    Excellent recommendations!!

    • 回覆
      小臣 2015 年 03 月 23 日

      Thanks. Hope it is useful.

  68. 回覆
    Alfred 2015 年 03 月 25 日

    想問問小臣版主有沒有試過泊灣仔東亞銀行港灣中心停車場?

    • 回覆
      小臣 2015 年 03 月 25 日

      上次想泊,不過門口放了個”滿”字! 當天是返工日,下午七時左右. 結果泊了東城大廈.

  69. 回覆
    Kit 2015 年 04 月 12 日

    多謝你詳細既資料
    上次去小西灣泊左係藍灣半島
    有70蚊日泊 都唔算好貴 ^^

    • 回覆
      小臣 2015 年 04 月 12 日

      有日泊也算不錯.

  70. 回覆
    Jonathan 2015 年 04 月 13 日

    將軍澳寶琳站附近除咗新都城一二三期停車場外, 仲有毓雅里慧安園有時租,另外可泊英明苑(時租較少, 五六日經常爆), 或者寶琳邨(大量車位), 此兩車場都係領匯車場, 有12, 24小時泊, 仲可以有隨意泊, 要去附近作客人士可考慮

    新蒲崗閒日夜晚唔想泊入場, 可考慮MIKIKI對出標位, 通常唔駛等太耐, 等唔到先兜個圈入MIKIKI都得.
    日泊, 八達街威達8:00至20:00 HKD100, 不過都好難有位, 只有幸泊過一次; 九龍AIA 8:00至20:00 (加到120), 不過相對對面兩個爛地, 80蚊8至6(打工仔即屈多你一粒14蚊,總數94大元, 都仍然係非常好既選擇, 不過要早, 成日爆.

    • 回覆
      小臣 2015 年 04 月 13 日

      多謝資料,非常有用.

  71. 回覆
    Jonathan 2015 年 04 月 13 日

    屯門上次去青松仙苑拜山, 建議泊兆康苑, 夠近, 無記錯14蚊一粒,裡面有兩個場, 一號場商場旁亦較近去青松仙苑, 但上次唔熟路泊咗2號場, 泊車夠闊無大問題, 但通道會有主力牆, 但唔係彎位, 直去小心d應該問題不大, 另要注意行人

    • 回覆
      小臣 2015 年 04 月 13 日

      Thanks.

      • 回覆
        Jonathan 2015 年 04 月 15 日

        補充下, 依家新蒲崗工業區行車大改道, 四美街不能直去景福街, 三角位一定右轉六合街, 而要去景福街就改行七寶左轉三祝再右轉景福. 三祝街擴闊變來回線, 而相對七寶街都擴闊做雙線行車.
        三祝左轉景福會變窟頭路, 最多去到捷景工廈有臨時迴旋處U turn. 但要泊九龍AIA就要行果邊, 要搵路泊車人士留意改道.
        而是次改道最重要應該係七寶街會有地底隧道連接啟晴邨及舊啟德方向, 以後東九龍去新蒲崗就唔一定要經龍翔道彩虹道, 估計可由觀塘繞道轉入協調道再轉去新蒲崗, 而新蒲崗想轉出太子道東西行線都可經此出

        • 回覆
          Jonathan 2015 年 04 月 15 日

          修正一下, 七寶街協調道隊道仍未開通, 通車後會update

  72. 回覆
    Jonathan 2015 年 04 月 15 日

    曾幾何時, 我朋友有段時間會泊旺角金雞廣場, 因為近波鞋街, 但我極不建議泊, 因為又要入lift, 又要上架, 雖然通道未算最窄, 但本人認為難度甚高, 難度十粒星滿分我會畀7粒. 而且有次仲畀我地見到個人上架回幾手軚都未上到(因要倒車上架), 最後仲踩錯油門直撞牆角, 十足十”凸務之王”第一集既經典倒車卡死場面. 所以我個friend以後都無再泊果度….(唔係我個friend技術唔得, 而係佢驚左d盲毛….)

    • 回覆
      小臣 2015 年 04 月 16 日

      要上架真是怕怕! 我開始在香港揸車冇幾耐就上過一次,結果都揩花左車尾.

  73. 回覆
    Jonathan 2015 年 04 月 17 日

    觀塘APM旁有觀塘廣場停車場
    私家車及客貨車
    $19 / 小時
    $105 / 日泊 (0800-2400)
    一般係我APM既back up plan, 或者要去DHL 寄野就會去果度, 因為過條馬路就鱷魚恤中心, 穿過去apm好近, 但要上到7,8樓先會有時租.而且比apm貴, 但如果要去apm而apm爆, 就會比泊創紀1近
    通道泊位都ok可以考慮

  74. 回覆
    Ball Leung 2015 年 04 月 26 日

    尖沙咀東 新東海
    全時段 $20 每小時

  75. 回覆
    Glo 2015 年 04 月 27 日

    九龍城廣場, 平日夜晚6-9入車場, 任何電子消費, 不限金額, 有3小時免費泊車, 但記得要係10點前登記, 本人已經中過招, 10點後去登記係無得free

  76. 回覆
    Alfred 2015 年 05 月 18 日

    剛剛禮拜六泊了灣仔東亞銀行港灣中心停車場,時租$23,不設八達通付款。車位闊度可以,但車道略窄。

    • 回覆
      小臣 2015 年 05 月 18 日

      Thanks. 可能是星期六日才准時租車進去.

  77. 回覆
    James 2015 年 06 月 06 日

    昨晚在信和廣場泊車,收費已增加至 $32 / $44。

    • 回覆
      小臣 2015 年 06 月 14 日

      Thanks, updated.

  78. 回覆
    K.Chan 2015 年 06 月 10 日

    Very useful site. 但你個post太多片load得好慢,條片link出去或者分區出post會好D… Again really appreciate these info.

    • 回覆
      小臣 2015 年 06 月 14 日

      下次大規劃 update 時會考慮修改.

  79. 回覆
    Donald 2015 年 07 月 15 日

    報告下, 灣他區仲有鷹君, 超好泊, 多位, 4樓開始係時租, 返工時間5樓都已經有位, 最大好處係, 連泊6小時以上都係實收$128, 所以返工一定泊依度!! 出入八達通攪掂!

    • 回覆
      小臣 2015 年 07 月 16 日

      多謝資料.

  80. 回覆
    訪客 2015 年 07 月 23 日

    和輋商場已經加到平日$15, 星期六日同假期$16

    • 回覆
      小臣 2015 年 07 月 23 日

      多謝資料,已更新.

  81. 回覆
    Terence 2015 年 07 月 29 日

    請問西貢沙角美的爤地場現在仲有無呀?????好耐無去了

    • 回覆
      小臣 2015 年 07 月 30 日

      我也很久沒去呀!

      • 回覆
        Gene Kwan 2015 年 08 月 11 日

        仲喺度, 早排星期日泊過, 但連呢度都一位難求.

  82. 回覆
    Gene Kwan 2015 年 08 月 11 日

    一睇之下原來係舊同事 =)

    你的資料很有用, 尋日泊過一號九龍, 已加價$16一小時.
    星期日晚又泊過禮頓中心, 真係好抵!

    • 回覆
      小臣 2015 年 08 月 11 日

      Hi Gene, 很久沒見, 好嗎? 有用就好! 有好的資料煩請上來報告一下.

      • 回覆
        Gene Kwan 2015 年 08 月 12 日

        最近我都買咗架錢七玩, 但雪藏牌補咗鐘至夠膽出街, 一個月落嚟壯大咗個膽, 夠膽去遠啲的地方遊車河, 睇咗你的經驗同資訊, 好有用亦都有同感, 可能大家都係工程佬諗嘢都差唔多….=)

        • 回覆
          小臣 2015 年 08 月 12 日

          慢慢揸下就慣,好好享受駕駛的樂趣. 自駕遊都好正的.

  83. 回覆
    Gene Kwan 2015 年 08 月 17 日

    過去的周未泊過胡忠, 已加價$14半小時. 同意車位極度闊落, 打橫泊都得.
    星期日去荔園, 泊過大會當隔離的停車場, $20一小時, 假日仲有日泊$90, 玩完食完夜晚先返嚟攞車. 好彩室內仲有位, 否則要上天台泊露天.

    • 回覆
      小臣 2015 年 08 月 17 日

      Thanks & updated.

  84. 回覆
    Stephanie 2015 年 09 月 01 日

    好多謝你既無私分享!小女駕駛技術差,好怕中伏入咗d勁窄停車場。而家習慣咗每次出車前都先check check你個website,睇一睇片make sure自己入到個停車場先泊。超級多謝你!!!!!!不過我遲d要去盈暉臺/盈暉薈泊車,完全搵唔到資料,唔知難唔難泊?窄唔窄?有冇師兄師姐可以比下意見?

    • 回覆
      小臣 2015 年 09 月 01 日

      Stephanie, 多謝. 上面有位師兄提過 “盈暉臺(瑪嘉烈醫院附近)時租 $14,車位闊落易泊!”, 我估應該OK.

      • 回覆
        Stephanie 2015 年 09 月 02 日

        Thank you so much!!!!

  85. 回覆
    Marshall 2015 年 09 月 09 日

    Times Square 泊車優惠門檻提高到HK$350 同埋取消埋Iphone App既一小時優惠

    • 回覆
      小臣 2015 年 09 月 09 日

      Thanks, updated.

  86. 回覆
    khma@vut.org.hk 2015 年 09 月 24 日

    Thanks a lot, really very very true and useful.

    • 回覆
      小臣 2015 年 09 月 24 日

      有用就最好.

  87. 回覆
    Gene Kwan 2015 年 09 月 28 日

    剛過去的中秋假期泊過好幾個場,尖東安達已加價每小時$25(假日),同意車位極狹窄,但之後泊過寶勒巷的鐵路大廈,雖然入口似黑洞場,但車位幾闊落,都係收$25一小時(假日),但不設八達通付款,但較近彌敦道一帶,算幾方便。

    • 回覆
      小臣 2015 年 09 月 28 日

      Thanks. 網上找不到安達的資料, 又不是經常泊所以更新不到. 鐵路大廈真的不敢入去, 下次試下.

  88. 回覆
    新手上路 2015 年 10 月 04 日

    我係新手,好驚窄停車場,你嘅分享真係好有用!多謝!

    唔知你有無泊過沙田偉華中心?聽聞好似幾難泊。

  89. 回覆
    新手上路 2015 年 10 月 04 日

    你好,我係新牌仔,揸咗幾個月車好驚窄停車場,你的分享真係好有用。每次去唔識的停車場,我都會先睇你網頁。多謝多謝。

    我遲點要去沙田偉華中心,網上揾唔到太多資料,只知道同希爾頓中心差唔多,唔知你有無泊過沙田的偉華中心?

    • 回覆
      小臣 2015 年 10 月 04 日

      沙田偉華D位都幾窄,有D仲係在斜路上,我勸你新手不要試了. 你見我個個都泊過就係唔泊偉華就知. 希爾頓中心比他好, 建議你泊希爾頓行過去.

      • 回覆
        新手上路 2015 年 10 月 04 日

        多謝分享! 都想分享下數碼港個停車場, $18/hr, $200 for 2個鐘免費。

        個場大,車位好泊,不過行車道上停車場有少少窄,都見到有人簽過名。假日多人入去泊車睇戲。 🙂

  90. 回覆
    Gene Kwan 2015 年 10 月 05 日

    嗰晚三號風球出旺角, 以為街少人就容易泊, 點知相反, 始創同新世紀都排晒長龍, 最後泊喺始創前些少的望覺堂, 得10個車位唔夠, 仲要泊通道留匙, 收$35一小時簡直搶錢, 冇下次.

    • 回覆
      小臣 2015 年 10 月 05 日

      打風仲多人出街架! 果個望覺堂以前只供教友泊, 最近帝豪接左來做先開放俾公眾.帝豪一向搶錢, 我通常都避之則吉.

  91. 回覆
    Gene Kwan 2015 年 10 月 05 日

    葵芳新都會真係冇介紹錯, 購物滿$100/$200已免費1小時/2小時. 好似新地會會員仲有額外免鐘. 附近葵芳閣地庫同樓上都有時泊, 奇在分別由唔同公司管理, 樓上$15一小時, 日泊$90, 地庫$13一小時, 泊過樓上嗰個, 入口通道有個無厘頭鐵閘, 唔小心隨時會揩閘. 附近政府場未泊過, 搵次試吓.

    • 回覆
      小臣 2015 年 10 月 05 日

      但新都會已經好好泊,冇咩理由去泊附近的場喎.

      • 回覆
        Gene Kwan 2015 年 10 月 05 日

        嗰次去葵芳閣飲茶先貪近泊嗰邊

        • 回覆
          小臣 2015 年 10 月 05 日

          OIC

  92. 回覆
    Gene Kwan 2015 年 10 月 12 日

    星期六去葵涌探人, 和宜合道葵涌停車場超抵, 星期六日晚都係$6一小時, 平時$15. 如果唔泊葵星, 係另一個好選擇, 只可惜和宜合道太僻, 唔常去.
    另外最近去過兩次大道東嗰邊, 選擇泊太古廣場三期, 場新易泊, 最重要係平過胡忠同合和, 收$25一小時, 行返過去都抵.

    • 回覆
      小臣 2015 年 10 月 12 日

      和宜合道真的好少去,但多謝報料.
      PP3 真的好泊, 合和太麻煩, 所以大道東頭首選一定是PP3.

  93. 回覆
    Cat 2015 年 10 月 24 日

    九龍站車站停車場 ($15/hr),出入東涌線車站後可享 $13/hr 的優惠 《---上星期泊過。轉乘優惠已經加到$14/hr
    近批發市場有田氏企業中心,典型工業大廈場 ($12/hr),不設八達通付款《---上個月泊過 已經加裝左八達通裝置啦
    西九龍中心日間一泊要兩小時 《---聽聞已經取消左2小時最低消費
    福榮街的爛地場《---已經無左啦
    愉景新城停車場全新裝修了。感覺良好都易泊位。
    另外想問下 文咸東街 泰基商業中心停車場 有泊過嗎? 易泊嗎?
    P.S. 新手剛出車唔夠一個月。而家出街前都上來做下功課睇定泊車位置先 感謝小臣資料

    • 回覆
      小臣 2015 年 10 月 24 日

      多謝資料,已更新. 文咸東街的泰基商業中心停車場未泊過,好似要乘電梯, 看進去很窄.

  94. 回覆
    Cat 2015 年 10 月 24 日

    小臣下次去食爽爽醉雞麵。可以考慮泊YOHO新果個商場形點
    http://www.yohomall.hk/tch/parking/parking.jsp
    好新淨 又闊落 假期都係12蚊個鐘

    • 回覆
      小臣 2015 年 10 月 24 日

      好建議!下次去一定試下.交通廣場太貴了.

  95. 回覆
    Gene Kwan 2015 年 10 月 26 日

    星期六行山泊咗入太和商場, 日泊$85, 平日時租$13, 假日時租$14. 設有A/B兩場, 互不相通. 場內車道設計奇怪, 要兜大圈至出到場, 而且出口斜道極狹窄, 兼成90度角, 所有車不論大小都要先偷位逆線至扭得上斜道.
    星期日泊過西環寶翠園, 要過三關(人手攞飛, 襟飛入閘, 再插飛入閘), 兼要行段長命斜道, 轉到頭暈, 難為嗰度的住客日日行, 假日已加價$24一小時, 兼沒八達通付款, 簡單一句, 極不方便, 但喺嗰區其他場都係地獄場, 呢個已經係最好選擇. =(

    • 回覆
      小臣 2015 年 10 月 26 日

      Thanks, 寶翠園的資料很難找,想更新也不容易. 對, 要兩次入閘又沒有八達通, 真的很煩.

  96. 回覆
    Gene Kwan 2015 年 11 月 16 日

    又有料報:
    1. 尖沙咀天文台道有個新場天文台道8號, 場新易泊, 假日收$33一小時, 好兆年行同THE ONE以外的好選擇.
    2. 星期日去又一城, 貪平泊咗10分鐘步程外的又一樓, 平日$9, 假日$12. 但一分錢一分貨, 實Q阿姐見我開細車, 叫我泊細位, 極考技術兼落唔到車, 冇下次.
    3. 泊觀塘皇廷廣場食華姐冰室, 場新, 通道同泊位好闊落, 但嗰區夠膽死收$22一粒鐘, 帝豪真係識搶錢, 早知泊對面爛地…

    • 回覆
      小臣 2015 年 11 月 17 日

      1. 多謝報料,下次去試下.
      2. 又一樓的位好似都好窄.
      3. 帝豪是真的好衰的,有得揀我一定不幫襯.

  97. 回覆
    gary20141210@gmail.com 2015 年 12 月 08 日

    喺月底某個星期六, 要陪老豆一個國內親戚(兩公婆), 要去幾個地方, 金紫荊廣場(泊會展二期) => 添馬公園 (中信大廈? 我唔肯定, 請指教) => 山頂(唔知有無近廣場的錶位? 唔想泊廣場好貴) => 深水埗御匯(長沙灣政府合署). 無冇好建議? THX

    • 回覆
      小臣 2015 年 12 月 08 日

      金紫荊泊會展二期就可以,添馬公園可以泊中信,山頂有錶位,不過要等,長沙灣政府合署或西九龍中心都可以。

  98. 回覆
    Irene W 2015 年 12 月 15 日

    Thank you Jason! Your blog is indeed useful and helps a lot for new driver like me. I am a woman and of course always being looked down by other male and experienced drivers. The most difficult part is changing lane and parking. Sometime i feel defeated… i really do hope practice makes perfect… *sigh* V_V

    • 回覆
      小臣 2015 年 12 月 15 日

      練多D啦, 小臣起初在香港開車都腳軟, 不過多開就慣.

  99. 回覆
    Gene Kwan 2015 年 12 月 16 日

    星期六去九華徑BBQ, 諗住泊隔離爛地, 點知阿姐話要$50附加費, 最少消費兩小時($14一小時), 搶錢…最後泊前些少有荔灣花園, $50已可泊5個鐘, $14一小時, 再前啲華荔邨都係$13一小時, 搶錢都唔知碇, 難為好多人錢多照泊爛地, 一係泊街邊俾阿SIR抄牌3次.

    • 回覆
      小臣 2015 年 12 月 17 日

      那個BBQ場好生意嘛, D人又懶去找遠少少…

  100. 回覆
    Irene W 2015 年 12 月 21 日

    i went to Kennedy town’s 美暉中心 yesterday…… my skills is too bad and got crashed into the wall when turning around the corner… The left side of the car got dented and scratches…

    • 回覆
      小臣 2015 年 12 月 21 日

      噢,據聞美暉都不太易泊. 我新手時都在停車場揩過兩、三次, 不要介意啦, 工多藝熟.

      • 回覆
        小臣 2016 年 01 月 10 日

        今天泊過美暉, 果然不易, 尤其是出車時, 那幅頂心牆真的考技術.

        https://youtu.be/BRcOrNk3_jg

        • 回覆
          訪客 2016 年 01 月 17 日

          Ging! You really went there and experience. Thanks Jason! I went to the peak today. The car park is really expensive. But no choice. Haha!

          • 小臣 2016 年 01 月 17 日

            山頂路邊都有位, 不過要等好久.

  101. 回覆
    kawai 2016 年 01 月 02 日

    師傳 有機會試埋灣仔瑞安中心
    我部X5就咁燒焦
    所以希望整套片 學下在上落斜道偷位

    • 回覆
      小臣 2016 年 01 月 02 日

      哈哈, 我都聽聞不易泊, 而且都是泊會展多,沒有必要試喎.

  102. 回覆
    billybully 2016 年 01 月 11 日

    早過星期泊過荃灣悅來坊,時租$15(一至五)、$18(六、日、假期)。

    • 回覆
      小臣 2016 年 01 月 11 日

      Thanks, updated. 加左咁多!!

  103. 回覆
    REO 2016 年 01 月 12 日

    師兄,KITEC/Emax ($16/hr)都加到$18喇!謝謝!

    • 回覆
      小臣 2016 年 01 月 12 日

      Thanks !! 今年D車場真的加得好勁.

  104. 回覆
    Patrick 2016 年 01 月 16 日

    師兄,想請教你指荃灣泊車「另有安排」是否有私人屋苑車位?可否分享下係邊度?好唔好泊?謝謝!

    • 回覆
      小臣 2016 年 01 月 17 日

      你的電郵地址好像不對,郵件打回頭。

      • 回覆
        Patrick 2016 年 01 月 17 日

        對不起,請用這個。謝謝!

        • 回覆
          小臣 2016 年 01 月 17 日

          請收貓.

  105. 回覆
    celia 2016 年 01 月 24 日

    多謝您的分享,好實用,幫咗我呢D雪藏牌好多好多,每次出外前都會預先睇片做準備。

    • 回覆
      小臣 2016 年 01 月 24 日

      有用就最好啦.

  106. 回覆
    Jonathan 2016 年 01 月 29 日

    尖咀有新場天文臺道8號, 好泊過好兆年行

    • 回覆
      小臣 2016 年 01 月 29 日

      多謝報料,下次去試下.

  107. 回覆
    Gene Kwan 2016 年 02 月 02 日

    同意, 新東海唯一難搞係B1落B2條頂心柱, 唔知點解, 同一位置, B2上嚟就闊啲, 過得輕鬆.

    • 回覆
      小臣 2016 年 02 月 02 日

      那條柱真是…”西”埋一邊,吹漲.

  108. 回覆
    Julian 2016 年 02 月 02 日

    多謝你嘅資訊, 早兩日泊大角咀新九龍廣場, 現時時租係$12/hr (星期一至五) / $11/hr (星期六日), 好抵!

    • 回覆
      小臣 2016 年 02 月 02 日

      Updated. 那個場真是非常抵泊.

  109. 回覆
    Cat 2016 年 02 月 26 日

    西九龍中心 泊車優惠只在晚上才有 🙁

    • 回覆
      小臣 2016 年 02 月 27 日

      不過現在日間不用最少泊二小時, 已比以前好.

  110. 回覆
    Gene Kwan 2016 年 03 月 03 日

    泊過九龍灣宏天廣場, 車位OK寬闊, 但車道奇奇怪怪的跟大陸右上左落, 用嚟練習上大陸或者美國開車, 啱晒! ($18/hr).

    • 回覆
      小臣 2016 年 03 月 03 日

      有D場因為就八達通閱卡器的放置方向,所以會右上左落。

    • 回覆
      James 2016 年 03 月 10 日

      有些停車場出入口設置在單程路(例如出停車場只能右轉),我估為了避免出車和入車打交叉,所以要右上左落?

      • 回覆
        小臣 2016 年 03 月 10 日

        也有因為這個原因,但據我觀察大部分都是不夠位安裝八達通閱卡器,因為要左上右落的話,兩邊閱卡器要裝在中島,佔了行車線位置. 如果放兩邊的話,可以貼牆安裝.

      • 回覆
        James 2016 年 03 月 19 日

        說得也對 ^^

  111. 回覆
    S S Lam 2016 年 03 月 10 日

    你的資料好有用
    因我是新手
    現為泊車場而煩惱

    • 回覆
      小臣 2016 年 03 月 10 日

      有用就最好.大家都做過新手,都知道入錯停車場的痛苦.

  112. 回覆
    Alex 2016 年 03 月 27 日

    真的很實用,另觀塘區推介巧明街最近期新場舊九巴車廠,價錢平,有特色,已經成為車攝熱點!

    • 回覆
      小臣 2016 年 03 月 27 日

      多謝資料,不知道車廠已變了停車場,下次試下.

  113. 回覆
    Julian 2016 年 04 月 03 日

    西灣河太安街爛地場收費已增至每小時14元, 最低消費則仍然是兩小時

    • 回覆
      小臣 2016 年 04 月 04 日

      Thanks for the info.

  114. 回覆
    billybully 2016 年 04 月 06 日

    如果去太古城,泊星輝臺,消費$350就可free五個鐘

    • 回覆
      小臣 2016 年 04 月 10 日

      Thanks for the info.

  115. 回覆
    HMC 2016 年 04 月 12 日

    你提供的資訊非常有用, 多謝!
    另外想請教下, 九龍灣國際交易中心的日泊位多嗎?平日會不會很容易滿?附近仲有其他日泊選擇嗎?

  116. 回覆
    HMC 2016 年 04 月 13 日

    今日去過九龍灣國際交易中心,原來平日無日泊!要再搵搵先得!

  117. 回覆
    Edmund 2016 年 05 月 01 日

    Jason兄合和中心價,$14 Half hour~

    • 回覆
      小臣 2016 年 05 月 01 日

      Thanks Edmund, updated.

  118. 回覆
    YIP Wing Chung 2016 年 05 月 11 日

    萬分感謝, 很有用的泊車指南, 謝謝.

  119. 回覆
    小臣 2016 年 05 月 12 日

    不用客氣, 有用就好.

  120. 回覆
    Thomas Lui 2016 年 05 月 15 日

    想問問師兄, 石硤尾南山邨停車場是否仲係$14/ HR? 因小弟遲D想去品香樓食飯,同埋小學時代在那裡渡過, 順道周圍行下。停車場入口係咪係大坑西對面入,定係南泰樓側邊入呀?謝謝!!

    • 回覆
      小臣 2016 年 05 月 15 日

      對,是 $14/hr, 要在大坑西街轉南山邨道入.南泰樓那邊是居民停車場,入不到的.

  121. 回覆
    Kit 2016 年 05 月 29 日

    Jason你個網簡直係全香港最實用既駕駛資訊網, 去邊區唔熟都會上黎搵料先, Thanks and please keep it up!

    • 回覆
      小臣 2016 年 05 月 29 日

      多謝多謝,一定會不斷更新. 有時自己也上來找資料…

  122. 回覆
    Gene Kwan 2016 年 05 月 30 日

    上環聚賢居每次我蘇豪區都泊嗰度, 但佢有樣唔好就係搭停車電梯要call secu, 每次都覺好煩, 攞車就咁行車路落去.

    有個推介: 灣仔利東街, $30/hr. 消費$200一小時免泊, $300兩小時, 用銀聯卡簽帳仲送$50esso現金券! 場新位OK, 但入場騎騎呢呢的又要上斜又要落斜, 閘機位仲要整道半身牆, 突然車道收窄, 一唔留心隨時揩花.

    • 回覆
      小臣 2016 年 05 月 30 日

      我都是沿車路行落二樓算了.

      利東街有得泊嗎? 下次試下,多謝資料.

  123. 回覆
    Woody 2016 年 06 月 09 日

    師兄。資料超正!想問,日後將在太古坊返工。日泊/半日泊有咩選擇?有無泊車優惠場?

  124. 回覆
    Jonathan 2016 年 07 月 05 日

    尖沙咀天文台道8號有新場,
    時租 (每小時)
    星期一至四 (公眾假期除外) $33
    星期五、六、日及公眾假期 $35
    日泊 08:00 – 18:00 $160
    夜泊 20:00 – 08:00 $95
    留意層與層之間通道柱位就OK

    • 回覆
      小臣 2016 年 07 月 05 日

      Thanks Jonathan, 雖然上面已有網友介紹過了, 不過仍感謝資料.

  125. 回覆
    Alan 2016 年 07 月 06 日

    Hello, 知唔知觀塘皇廷廣場仲有冇夜泊??
    聽晚會去附近但搵唔到電話打過去T.T

  126. 回覆
    Gene Kwan 2016 年 07 月 21 日

    觀塘宏利時租好似幾貴, 仲要學工廠大廈停車場咁, 有類進, 即係泊得越耐越貴, 有次行到門口掉頭走, 去返皇廷算 – 以前我每次去華嫂都泊皇廷, 但最近索性擺架車去附近車房洗埋車, 連停車場錢都慳返….=)

    • 回覆
      小臣 2016 年 07 月 21 日

      係?次次去宏利吃飯都免車場,所以沒有查幾錢,幾個泊車網都沒有資料…

      咦,洗車都係好方法,那邊洗車費不貴?我在大角咀有間$120包車內吸麈.

      • 回覆
        Gene Kwan 2016 年 07 月 25 日

        我嗰間$130, 見幾好service又細心, 都keep住幫襯. 夏天熱, 自己洗會中暑, 冬天就鍾意自己洗返車.

  127. 回覆
    Edmund 2016 年 07 月 24 日

    Jason兄下次去跑馬地內街揾食可以考慮泊誠和閣,一定有位,位闊易泊,星期一至五朝8晚7 $18 per hr,晚7至10 $22 per hr(星期六日公眾假期及賽馬日全日$22 per hour)

    • 回覆
      小臣 2016 年 07 月 24 日

      Thanks Edmound.

    • 回覆
      Gene Kwan 2016 年 08 月 03 日

      已send email. =)

  128. 回覆
    Ken 2016 年 07 月 29 日

    謝謝板主,好有用,對p牌的我超有幫助

    • 回覆
      小臣 2016 年 07 月 30 日

      繼續努力, 大家都做過P牌.

  129. 回覆
    Edmund 2016 年 08 月 01 日

    小臣兄灣仔會展Update:
    首2小時$29 per hour, 第三小時起$32 per hour.
    唔好去搶!

    • 回覆
      小臣 2016 年 08 月 01 日

      嘩, 咁衰! 泊鷹君…

  130. 回覆
    Gene Kwan 2016 年 08 月 08 日

    嗰次書展, 預咗會展同瑞安冇位, 就直去新鴻基, 但都已加到$28/hr…..=(

    • 回覆
      小臣 2016 年 08 月 08 日

      係呀, 灣仔北沒有平位…

  131. 回覆
    Gene Kwan 2016 年 08 月 08 日

    周末去堅尼地城食飯, 諗住泊士美菲路, 因平絕同區, 大排長龍, 諗住就咁泊街算, 但見警察練書法就唯有去海怡. 同意你所講, 幾地獄的一個場, 有啲位根本唔知點泊入去, 結果要泊到上頂, $18/hr都係見你泊唔到政府場焗住俾佢劏的價.

    • 回覆
      小臣 2016 年 08 月 08 日

      士美菲路我排過幾次都要放棄。美暉比海怡也好不了多少,兩星期前去阿姐仲好好心,話如果泊不到可以出番來不收錢,但其實最難就是下來要過頂心牆!

      • 回覆
        Gene Kwan 2016 年 08 月 09 日

        下次去挑戰吓美暉….XD

        • 回覆
          小臣 2016 年 08 月 09 日

          ^^

  132. 回覆
    森林 2016 年 08 月 08 日

    灣仔北其實之前在假日可泊灣仔政府大樓.

    但車位比較窄.

    不知道現在還有沒有.

    • 回覆
      小臣 2016 年 08 月 08 日

      應該還有,不過從來未試過。

  133. 回覆
    Gene Kwan 2016 年 08 月 22 日

    利東街入口嗰幅半身牆毫無必要, 除非有心玩司機, 我泊過一次, 因為嗰次知有油券送. 但胡忠成日FULL, 最近首選上日月星街泊街, 冇位至入PP3.

    • 回覆
      小臣 2016 年 08 月 22 日

      那幅牆是 retaining wall 來的, 出入兩邊有高差. 咁又係,胡忠成日滿.

  134. 回覆
    jass 2016 年 08 月 23 日

    謝謝你!你啲資料好有用,我好怕係香港泊車。

    想問你有冇試過泊太古坊嘅栢克大廈或知唔知容唔容易泊?

    • 回覆
      小臣 2016 年 08 月 23 日

      未試過呀。只泊過德宏大廈。

  135. 回覆
    Joseph 2016 年 08 月 24 日

    十分方便好用,感謝你!!

    • 回覆
      小臣 2016 年 08 月 24 日

      不用客氣.

  136. 回覆
    Micky 2016 年 08 月 25 日

    Very useful! New driver in Hong Kong, lovely!! Please keep updating!

    • 回覆
      小臣 2016 年 08 月 25 日

      Sure.

  137. 回覆
    Carpark 2016 年 08 月 28 日

    It is very useful! Thank you! 你下次可以試吓泊奧海城三期

    • 回覆
      小臣 2016 年 08 月 29 日

      Thanks. 有機會試下.

  138. 回覆
    Eric 2016 年 09 月 12 日

    It is very useful for new driver like me. Many Thanks.

    • 回覆
      小臣 2016 年 09 月 12 日

      Good to hear that you find it useful.

  139. 回覆
    Klee 2016 年 09 月 20 日

    Jason 真是新手嘅泊車之神

    • 回覆
      小臣 2016 年 09 月 20 日

      哈, 大家都做過新手, 共勉之.

  140. 回覆
    Ben Yu 2016 年 10 月 05 日

    沙田廣場已停止時租,只租給住客

    • 回覆
      小臣 2016 年 10 月 05 日

      有D咁既事? 多謝資料.

  141. 回覆
    Ling 2017 年 01 月 04 日

    很有用的資訊,如果有APP可隨時番翻查就好了!
    第一城上個月泊過,要$20了。

    • 回覆
      小臣 2017 年 01 月 04 日

      Thanks. Updated.

  142. 回覆
    Rico 2017 年 01 月 10 日

    非常實用, 上星期泊譽‧港灣(Mikiki), 加到$16/hr

    • 回覆
      小臣 2017 年 01 月 10 日

      我自己最近都泊過, 不過回來忘了更新. 謝.

  143. 回覆
    Joey Wun 2017 年 01 月 15 日

    元朗水邊圍的停車場2017年1月1日開始已加價, $11/hr.

  144. 回覆
    Joey Wun 2017 年 01 月 15 日

    元朗形點已加價 15/18 hr

    • 回覆
      小臣 2017 年 01 月 15 日

      Thanks, updated both.

  145. 回覆
    Jason 2017 年 01 月 16 日

    健威坊出左通告,2月1日起加到$22/$26

    • 回覆
      小臣 2017 年 01 月 16 日

      Thanks. 我打算農曆年得閒一次過更新,二月一日加價可以一併更改.

  146. 回覆
    Tracy 2017 年 01 月 20 日

    圓方泊車優惠由1月1日開始平日消費$180有三小時,$400有五小時,純泊車加到 $18/hr

    • 回覆
      小臣 2017 年 01 月 20 日

      Thanks, updated.

  147. 回覆
    Jeff 2017 年 01 月 27 日

    Ching好有心,
    btw 觀塘寧晉中心停車場 有冇資料?

  148. 回覆
    Jason 2017 年 02 月 01 日

    臣兄,小提議
    以後既飲食誌,能否加提就近泊車?

    • 回覆
      小臣 2017 年 02 月 01 日

      好建議,下一篇開始.

  149. 回覆
    訪客 2017 年 02 月 21 日

    Thanks 小臣 for summarising and sharing the information
    The 最易出事的停車場 is not valid and now redirectedto ad site

    • 回覆
      小臣 2017 年 02 月 21 日

      Thanks. Updated and linked to another similar post.

  150. 回覆
    Gene Kwan 2017 年 02 月 27 日

    年初二拜年, 領教過裕民中心 – 與其話係停車場, 不如話只係一個loading bay, 仲要$28/hr.
    下次你可以試前些少的花園大廈, 平得多, 創紀之城外另一選擇

    • 回覆
      小臣 2017 年 02 月 27 日

      收到!

  151. 回覆
    Y 2017 年 03 月 10 日

    前日泊合和 門口有通告寫1/1/2017起取消半小時收費 改做一小時收費 $28/hr
    另外去紅館或者尖東可以試下泊POLY 當初以為好貴 原來$15/hr 不過指定時間先係
    「星期一至五下午五時至凌晨一時、星期六、日或公眾假期早上七時至凌晨一時泊車,可以優惠價每小時十五元使用理工大學停車場」
    唔算難泊 係通道比較窄

    • 回覆
      小臣 2017 年 03 月 10 日

      Thanks for the info.

  152. 回覆
    TATA9 2017 年 03 月 31 日

    葵興美達中心除了葵興邨還有什麼更接近的車場?

  153. 回覆
    Edmund 2017 年 04 月 24 日

    Jason兄尖東新東海已加價$22/hr, 叧外隔離康宏廣場時租要扭上露天位,$25/hr。

    • 回覆
      小臣 2017 年 04 月 24 日

      Thanks. Updated.

  154. 回覆
    Carpark 2017 年 05 月 27 日

    愉景新城星期六、日及公眾徦期加咗價 ($16),平日則維持$12,翻新後車場指示已十分清晰,車場亦光猛

    • 回覆
      小臣 2017 年 05 月 27 日

      Thanks, updated.

  155. 回覆
    2017 年 06 月 17 日

    剛剛昨晚(星期五)去了三聖吃海鮮,「青山灣泳灘停車場」是一個很好的選擇,一轉入三聖街左邊第一個停車場就是!露天但靚地,七時多還有位泊,推薦!
    首2小時, 星期一至五 $10半小時 / 星期六日假期 $15半小時
    2小時後, 星期一至五 $15半小時 / 星期六日假期 $22.5半小時

    • 回覆
      小臣 2017 年 06 月 17 日

      多謝資料.

  156. 回覆
    2017 年 06 月 20 日

    我是P牌新車主(6月16日出車).目前泊停車場L位還不是十分順手,S位更加沒有實際經驗,
    看到這裡的內容只能用”喜極而泣”來形容,短片出入介紹實在太窩心了!
    感謝小臣!

    • 回覆
      小臣 2017 年 06 月 21 日

      不用客氣,當年我想找些”喜極而泣”的資訊都沒有.

發表迴響

你的電子郵件位址並不會被公開。

10 − three =